رۋدنىي قالاسىنىڭ اكىمى باقىتجان عايازوۆ وتستاۆكاعا كەتۋ تۋرالى ءوتىنىش بەردى، دەپ حابارلادى قوستاناي وبلىسى باسشىسىنىڭ باسپا ءسوز قىزمەتى.

وبلىس باسشىسى وتىنىشكە قولداۋ ءبىلدىردى. قىركۇيەك ايىنىڭ 29-نان باستاپ رۋدنىي قالاسىنىڭ اكىمى قىزمەتىنەن بوساتىلدى.

باقىتجان عايازوۆتىڭ ەڭبەك جولى:

1992-1996 جىلدارى - قوستاناي وبلىسى ءجىتىقارا اۋدانى لۆوۆسكيي تاجىريبە ستانساسى ديرەكتورىنىڭ ورىنباسارى، باس ۆەتەرينار دارىگەرى.

1996-1999 جىلدارى - قوستاناي وبلىسى ءجىتىقارا قالاسى «قۋاتتى» گاق پرەزيدەنتى.

1999-2000 جىلدارى - قوستاناي وبلىسى ءجىتىقارا قالاسى «اس-ەت» جشس-نىڭ ديرەكتورى.

2001- 2004 جىلدارى - قوستاناي وبلىسى قوستاناي اۋدانى اكىمىنىڭ ورىنباسارى.

2004-2008 جىلدارى - قوستاناي وبلىسى التىنسارين اۋدانىنىڭ اكىمى.

2008-2011 جىلدارى - قوستاناي وبلىسى اۋليەكول اۋدانىنىڭ اكىمى.

2011 جىلدىڭ ماۋسىم ايىنان باستاپ قوستاناي وبلىسى رۋدنىي قالاسىنىڭ اكىمى.

ەسكە سالايىق، رۋدنىي قالاسىنىڭ باسشىسى قاشار كەنتىنىڭ اكىمى بيۋدجەتتەن اقشا جىمقىرعانى ءۇشىن سوتتالعان كەزدە وتستاۆكاعا ءوتىنىش بەرگەن بولاتىن.