ىشكى ىستەر ءمينيسترى ەرلان تۇرعىمبايەۆ قۇقىق قورعاۋ ورگانى كارانتين رەجيمىن كۇشەيتۋگە، قوعامدىق ءتارتىپتى قورعاۋعا ءازىر ەكەنىن حابارلادى، دەپ جازادى Today.kz.
ونىڭ سوزىنشە، وسى ۋاقىتقا دەيىن 11 مىڭ 800-دەن استام ادام ماسكا رەجيمىن بۇزعان.
دارىلىك زاتتاردى زاڭسىز جاساۋ بويىنشا 933 دەرەكتىڭ جولى كەسىلدى. 98 مىڭ قاپتاما پرەپارات، جارتى ميلليون شاماسىنداعى ماسكا، 41،8 مىڭ مەديسينالىق بۇيىم زاڭسىز اينالىمنان شىعارىلعان،.
تۇرعىمبايەۆ سونداي-اق اتىراۋ جانە اقتوبە وبلىستارىندا بلوكپوست قويىلعانى تۋرالى اقپاراتتى جوققا شىعاردى. سوزىنشە، اتىراۋ وبلىسى جىلىوي اۋدانى تەڭىز ەلدىمەكەنىندەگى بلوكبەكەت ناۋرىز ايىنان بەرى تۇر. ال اقتوبە وبلىسىنداعى رەسەيمەن شەكارالاس اۋداندارعا سانيتار-كارانتيندىك بەكەتتەر اقپان ايىندا قويىلعان.
پىكىر قالدىرۋ