"پرەزيدەنت پەن پرەمەر ەگىز سەكىلدى". تاۋەلسىز جۋرناليست دينا ەلگەزەك ءوزىنىڭ ينستاگرام پاراقشاسىندا وسىلاي دەپ جازبا جاريالادى.
– قوس جىگىتتىڭ ءبولمىس-بىتىمى، مىنەز-قۇلىق، ءجۇرىس-تۇرىستارى بىر-بىرىنەن اۋمايدى. ءتىپتى ەنەرگيالارى دا ۇقساس. ەكەۋى دە ورىس تاقىلەتتەس. ەكەۋىنىڭ قازاقشاسى دا بىردەي. ەكەۋىندە دە ەموسيا جوق. قادامدارىن نىق باسىپ، نىق سويلەپ تۇرعاندارىن كورمەيسىڭ. نە جارقىراعان جانار جوق. نە شالت قيمىل جوق. تىم باياۋ. ەلدى اھ ۇرعىزاتىن نە تىڭ يدەيا ۇسىنبايدى. ينەرسيانىڭ يىرىمىندە كۇنەلتىپ، كۇن وتكىزگەن بىرەۋلەر ايتەۋىر. شىنايى ليدەرلەر جاسىنداي جارق ەتە قالار ەدى. ال بۇل تۇلعالار مىنا جۇيەنىڭ ءداۋىرىن جالعاستىرۋشى ەكەنى كورىنىپ تۇر، – دەلىنگەن جازبادا
باستى سۋرەتكە قاسىم-جومارت توقايەۆ پەن اسقار ءماميننىڭ سۋرەتىن قويعان جازبا اۆتورى، ەكەۋىن استانادان شىقپايتىن "كابينەتنىي" مەنەدجەرلەرگە تەڭەگەن. ەگەر ەلدى ارالاپ، تىرشىلىگىن كوزبەن كورمەيتىن بولسا، تىم قۇرىعاندا "يميتاسيا بۋرنوي دەياتەلنوستي" جاساماسا، كۇللى قازاقتىڭ ۇيىقتاپ كەتۋى مۇمكىن ەكەنىن جازدى.
پىكىر قالدىرۋ