بيىل زەينەتاقى تولەمدەرىن قوسپاعاندا، ەگدە جاستاعى ازاماتتاردى الەۋمەتتىك قولداۋدىڭ ءتۇرلى باعىتىنا 32 ميلليارد 670 ميلليون تەڭگەدەن استام قاراجات ءبولىندى، دەپ حابارلادى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى.

مينيسترلىكتىڭ حابارلاۋىنشا، ەلدە 2 ميلليوننان استام زەينەتكەر تۇرادى. ءار ازاماتتىڭ لايىقتى قارتتىق شاعىن قامتاماسىز ەتۋگە قامقورلىق جاساۋ – ۇكىمەتتىڭ الەۋمەتتىك ساياساتىنىڭ باستى مىندەتتەرىنىڭ ءبىرى. مەملەكەت ازاماتتاردى زەينەتاقىمەن قامسىزداندىرۋدى جاقسارتۋ بويىنشا جۇيەلى تۇردە شارالار قابىلداپ كەلەدى.

مىسالى، 2020 جىلعى 1 قاڭتاردان باستاپ جىل سايىنعى يندەكستەۋ ناتيجەسىندە ىنتىماقتى زەينەتاقى مولشەرى 7 پايىزعا ءوسىپ، بازالىق زەينەتاقىنىڭ ۇلعايۋى 5 پايىزدى قۇراعان.     

بيىلعى 1 ساۋىردەن باستاپ تاعايىندالعان زەينەتاقى مولشەرى قوسىمشا تاعى 5 پايىز يندەكستەلدى. بۇل 2019 جىلعى دەڭگەيمەن سالىستىرعاندا بازالىق زەينەتاقىنىڭ 10 پايىزعا، ىنتىماقتى زەينەتاقىنىڭ 12 پايىزعا ءوسۋىن قامتاماسىز ەتتى.           

وسىنداي ءوسىم ناتيجەسىندە جيىنتىق زەينەتاقىنىڭ ەڭ تومەنگى مولشەرى (ىنتىماقتى+بازالىق) 58 مىڭ تەڭگەدەن اسادى، ال جوعارعى شەگى 128،5 مىڭ تەڭگەنى قۇرايدى. سونىمەن قاتار، ازاماتتار، ءبىرىڭعاي جيناقتاۋشى زەينەتاقى قورىنان وزدەرى جيناقتاعان قاراجات ەسەبىنەن زەينەتاقى تولەمدەرىن الادى.           

 - ۇلى وتان سوعىسىنداعى جەڭىس كۇنىنە بىررەتتىك ماتەريالدىق كومەككە - 7،6 ملرد تەڭگە (123،6 مىڭ ادام)؛            

 - ازىق-تۇلىك سەبەتىن بەرۋگە - 1 ملرد 481،1 ملن تەڭگە (233،4 مىڭ ادام)؛           

 - جەڭىلدىكپەن دارى-دارمەكپەن قامتاماسىز ەتۋگە - 174،2 ملن تەڭگە (40،8 مىڭ ادام)؛           

 - ءتىستى پروتەزدەۋگە - 142،7 ملن تەڭگە (3 مىڭ ادام)؛           

 - شيپاجايلىق ەمدەلۋگە - 1 ملرد 362،3 ملن تەڭگە (19،5 مىڭ ادام)؛           

 - تۇرعىن ءۇيدى جوندەۋگە - 46،4 ملن تەڭگە (376 ادام)؛           

 - وتىنمەن قامتاماسىز ەتۋگە - 136،1 ملن تەڭگە (3،7 مىڭ ادام)؛           

 - قوعامدىق كولىكتە جەڭىلدىكپەن جۇرۋگە - 740،7 ملن تەڭگە (133،9 مىڭ ادام)؛           

 - كومەكتىڭ باسقا تۇرلەرىنە - 3 498،8 ملن تەڭگە (134،0 مىڭ ادام).           

1 قازاندا قازاقستاندا قارتتار كۇنىنە وراي ايلىق باستالادى. اعا ۇرپاق وكىلدەرىنە قامقورلىق جاساۋعا ارنالعان ءىس-شارالار رەسپۋبليكانىڭ بارلىق ايماقتارىندا وتەدى. ولاردىڭ ىشىندە امبۋلاتوريالىق-ەمحانالىق ۇيىمداردا "اشىق ەسىك كۇندەرى" جانە "جۇرەكتەن جۇرەككە" قايىرىمدىلىق اكسياسى ۇيىمداستىرىلىپ، ونىڭ اياسىندا اۋىر ناۋقاس قارت ادامدارعا ازىق-تۇلىك سەبەتتەرى تابىستالادى. سونىمەن بىرگە ەڭبەك ۇجىمدارىندا كەزدەسۋلەر جانە تاعى باسقا شارالار قولعا الىنادى.