دەنساۋلىق ساقتاۋ مينيسترلىگى بۇرىنعى مينيستر ەلجان ءبىرتانوۆ پەن ەكس-ۆيسە-مينيستر ليۋدميلا بيۋرابەكوۆا "قايدا ءجۇر" دەگەن ساۋالعا تۇسىنىك بەردى.
پرەزيدەنت توقايەۆتىڭ جارلىعىنا سايكەس ەلجان ءبىرتانوۆ 25 ماۋسىمدا دەنساۋلىق ساقتاۋ ءمينيسترى قىزمەتىنەن بوساتىلعان. ال، ەكس-ۆيسە-مينيستر ليۋدميلا بيۋرابەكوۆا 23 قىركۇيەكتە قىزمەتتەن كەتۋگە ءوتىنىش بەرگەن.
دەنساۋلىق ساقتاۋ مينيسترلىگى اتالعان تۇلعالاردىڭ ءقازىر قايدا جۇرگەنى تۋرالى اقپارات جوق ەكەنىن ءمالىم ەتتى.
"مينيسترلىكتە ە.ا. ءبىرتانوۆ پەن ل. ۆ. بيۋرابەكوۆانىڭ ودان ارعى جۇمىس ورنى تۋرالى مالىمەتتەر جوق" دەپ حابارلادى ۆەدومستۆونىڭ باسپا ءسوز قىزمەتى.
ەلجان ءبىرتانوۆ وتستاۆكاعا كەتۋ سەبەبىن كوروناۆيرۋس ينفەكسياسىنا شالدىعىپ، جۇمىس ىستەۋگە مۇمكىندىگى جوق ەكەنىمەن تۇسىندىرگەن.
الايدا الەۋمەتتىك جەلىدە ءبىرتانوۆ پاندەميامەن كۇرەستە دارمەنسىزدىك تانىتقاندىقتان كەتكەنى تۋرالى پىكىرلەر جازىلعان.
پىكىر قالدىرۋ