رەسەي مەن تۇركيانىڭ سىرتقى ىستەر مينيسترلەرى سەرگەي لاۆروۆ پەن ميەۆليۋت چاۆۋشوگلۋ تاۋلى كاراباح قاقتىعىسىنا بايلانىستى تەلەفون ارقىلى سويلەستى، دەپ حابارلادى bbc.
"مينيسترلەر قارۋلى قاقتىعىستىڭ توقتاماي جاتقانىنا اسا الاڭداۋشىلىعىن بىلدىرەتىنىن جەتكىزىپ، اسكەري ارەكەتتەردى دەرەۋ توقتاتۋ تۋرالى ويلارىمەن ءبولىستى. سونداي-اق كونفليكتكە وزگە ايماقتاردىڭ زاڭسىز قارۋلى كۇشتەرىنىڭ ارالاسۋىنا مۇلدە جول بەرۋگە بولمايتىنىنا نازار اۋداردى" دەلىنگەن تاراتىلعان اقپاراتتىق حابارلامادى.
تاراپتار بەيبىت كەلىسسوزگە ورالۋعا شاقىرۋدىڭ ماڭىزىن، باكۋ مەن ەريەۆانعا ساياسي-ديپلوماتيالىق قولداۋ كورسەتۋدە ءار قادامدى ەكشەۋدىڭ قاجەتتىگىن اتاپ وتكەن.
سونىمەن قاتار رەسەيلىك ۆەدومستۆو ەكى ەل تاۋلى كاراباحتاعى قاقتىعىستى بەيبىت ارناعا بۇرۋ ءۇشىن بىرلەسكەن ارەكەتكە كىرىسۋگە ءازىر ەكەنىن حابارلاعان.
تاۋلى كاراباحتاعى قاقتىعىس 27 قىركۇيەكتەن بەرى جالعاسىپ كەلەدى. ەكى تاراپ جانجالدىڭ باستالۋىنا ءبىرىن-بىرى كىنالايدى.
تاۋلى كاراباح ازەربايجان رەسپۋبليكاسى اۋماعىنداعى اۆتونوميالىق وبلىس. وبلىس تولىقتاي ازەربايجاننىڭ اۋماعىندا جاتىر. ەشقانداي ەلمەن شەكتەسپەيدى.
1992-1994 جىلدارى ارمەنيا ايماقتا ەتنيكالىق ارميانداردىڭ تۇرىپ جاتقانىن جەلەۋ ەتىپ اسكەر كۇشىمەن تاۋلى كاراباح ولكەسى مەن ىرگەلەس جاتقان جەتى اۋداننىڭ جەرىن باسىپ العان. اككۋپاسيالانعان جەر ازەربايجان تەرريتورياسىنىڭ 20 پايىزىن قۇرايدى.
ول ساتتە تاۋلى كاراباحتا 170 مىڭ ازامات تۇرعان. ونىڭ 130 مىڭى ارمياندار، قالعانى ازەربايجاندار ەدى.
1994 جىلى وبلىستا وق اتۋدى توقتاتۋ تۋرالى كەلىسىم جاسالار ساتتە ازەربايجان جەرىنە ميلليونعا جۋىق بوسقىن كەلگەن.
1994 جىلدان بەرى اتالعان ايماققا قاتىستى كەلىسسوزدەر اقش، فرانسيا، رەسەي تەڭتوراعالارى سانالاتىن وبسە-نىڭ مينسك توبى دەگەن اتپەن جالعاسىپ كەلەدى.
پىكىر قالدىرۋ