باس سانيتار دارىگەردىڭ قاۋلىسى بويىنشا 6 قازاننان باستاپ COVID-19-عا تەكسەرىلگەنى تۋرالى انىقتاماسى جوق شەتەلدىكتەرگە قازاقستانعا كىرۋگە تىيىم سالىنادى. 

"شەتەل ازاماتتارى قازاقستاننىڭ مەملەكەتتىك شەكاراسىنان ءوتۋى ءۇشىن كەم دەگەندە 72 ساعات بۇرىن كوروناۆيرۋسقا پتر تەست تاپسىرعانى تۋرالى انىقتاماسى بولۋعا ءتيىس" دەلىنگەن قاۋلىدا.

6 قازاننان باستاپ جولاۋشىلار تاسىمالىنداعى تارتىپتەر وزگەرىپ، كارانتين تالاپتارى كۇشەيتىلەدى.

سونداي-اق شەتەلدەن اۆيارەيستەرمەن كەلەتىن بارلىق ازاماتتار تەرمومەتريادان، ساۋالنامادان وتەدى جانە قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كەزدە كەم دەگەندە 72 ساعات بۇرىن الىنعان پتر ادىسىمەن COVID-19-عا تەستتەن وتكەنى تۋرالى انىقتامانى كورسەتەدى.

باس سانيتار دارىگەردىڭ قاۋلىسى 6 قازاندا كۇشىنە ەنەدى.

بۇعان دەيىن دەنساۋلىق ساقتاۋ ءمينيسترى الەكسەي سوي كوروناۆيرۋس پاندەمياسىنا بايلانىستى قازاقستاندا 5 قازاننان باستاپ ەنگىزىلەتىن جاڭا شەكتەۋلەر تۋرالى مالىمدەگەن بولاتىن.