پاۆلودار وبلىسىندا جەڭىل اۆتوكولىك تراكتور تىركەمەسىمەن سوقتىعىسىپ، بەس ادام قايتىس بولدى. بۇل تۋرالى وبلىستىڭ پوليسيا دەپارتامەنتىنىڭ باسپا ءسوز قىزمەتى حابارلادى.
دەپارتامەنتتىڭ مالىمەتىنشە، وقيعا قازاننىڭ 3 كۇنى ساعات 21:10-دا اقتوعاي اۋدانى اقتوعاي-شولاقسور اۆتوجولىنىڭ 63-شاقىرىمىندا بولعان.
"ۆاز-21041 اۆتوكولىگىنىڭ 43 جاستاعى جۇرگىزۋشىسى متز تراكتورىنىڭ تىركەمەسىمەن سوقتىعىسقان. تراكتوردىڭ رولىندە 47 جاستاعى جۇرگىزۋشى وتىرعان. سالدارىنان جەڭىل كولىكتىڭ جۇرگىزۋشىسى مەن سالونداعى ءتورت جولاۋشى وقيعا ورنىندا كوز جۇمدى" دەلىنگەن دەپارتامەنت تاراتقان حابارلامادا.
قازىرگى ۋاقىتتا سوت مەديسينالىق ساراپتاما تاعايىنداپ، تەكسەرىس جۇمىستارىن جۇرگىزىپ جاتىر.
پىكىر قالدىرۋ