بالاسىن اياۋسىز ساباعان اكە قاماۋعا الىندى

/image/2020/10/04/crop-25_23_1059x1883_mycollages.jpg
تۇركىستان وبلىسىنىڭ پوليسيا دەپارتامەنتى بالاسىن ساباعان اكەگە قاتىستى تەرگەۋ جۇرگىزىلىپ جاتقانىن حابارلادى.
 
بۇعان دەيىن جۋرناليست جازيرا بەگالى facebook پاراقشاسىنا "كامەلەتكە تولماعان ءۇش بالا مەن اناسىنىڭ ومىرىنە ءقاۋىپ ءتونىپ تۇر" دەگەن جازبا جاريالاعان.
 
ول جەردە وزىنە قازىعۇرت اۋدانى قىزىلقيا اۋىلىنىڭ ماحاببات ءسادۋاقاس قىزى ەسىمدى تۇرعىنىنىڭ حابارلاسقانى، ۋچاسكەلىك پوليسەي بولىپ ىستەيتىن قۇدا بالاسىنا سەنىپ العان كەلىنشەكتىڭ كۇيەۋى ەرجان داۋىربايەۆ 4 جىلدان بەرى ايەلى مەن بالالارىن ۇرىپ كەلە جاتقانىن ايتىلعان.
 
شاعىمدانۋشى ايەلدىڭ سوزىنشە، بۇعان دەيىن پوليسياعا شاعىمدانعانىندا ونىڭ ارىزى قابىلدانباعان كورىنەدى.
 
جۋرناليست جازباسىنان كەيىن ۇزاماي تۇركىستان وبلىسىنىڭ پوليسيا دەپارتامەنتى بالاسىن ساباعان اكەنىڭ تەرگەلىپ جاتقانىن حابارلادى.
 
"الەۋمەتتىك جەلىلەرگە مونيتورينگ جۇرگىزۋ بارىسىندا تۇركىستان وبلىسى پوليسيا دەپارتامەنتىنىڭ پوليسەيلەرى بەلگىسىز ەر ادامنىڭ كامەلەتكە تولماعان بالانى ۇرىپ-سوعىپ جاتقان بەينەجازباسىن انىقتادى. تەكسەرۋ بارىسىندا وقيعانىڭ قازىعۇرت اۋدانىندا بولعانى ايقىندالدى" دەپ حابارلادى دەپارتامەنتتىڭ باسپا ءسوز قىزمەتى.
 
اتالعان جايت قىلمىستىق كودەكستىڭ 110-بابى "ازاپتاۋ" بويىنشا قازىعۇرت اۋداندىق پوليسيا بولىمىندە تىركەلگەن.
 
 
 
 
 
 
 
 
 
 

پىكىر قالدىرۋ

قاتىستى ماقالالار