جۋرناليست گۇلميرا ابىقاي instagram پاراقشاسىندا ءۇش بالاسىن ۇرعان ەر ادامنىڭ تەرگەۋ يزولياتورىنداعى ۆيدەوسىن جاريالاپ، ايىپكەر ىسىنە ەش وكىنبەيتىنىن ايتقانىن جەتكىزدى.
ءجۋرناليستىڭ سوزىنشە، بالالارىن اياۋسىز ساباعان اكە ۇرىپ-سوعۋدى تاربيە قۇرالى دەپ سانايتىن كورىنەدى.
"بالا ۇرعىش اكە قامالدى. زاڭدى نەكەدەگى ەرلى-زايىپتىنىڭ ورتاق 3 بالاسى بار. كۇيەۋى ىشىمدىككە ءۇيىر. نەكەلەسكەن 9 جىلدا ايەل مەن بالالاردىڭ كورگەن كۇيى وسى. #ماڭىزدىسى ايەل وسىعان دەيىن ءوزىن كوكالا قويداي ساباعان كۇيەۋىنە قاتىستى 2 رەت ايتىپ، 2 رەت كەشىرىم بەرگەن. ال، بۇكىل جۇرتتىڭ جاعاسىن ۇستاتقان كەشەگى وقيعاعا قىزۋقاندى اكە وكىنىپ تۇرعان جوق، ول ايەل بالا-شاعاسىنان كەشىرىم دە سۇرامادى. بار ايتقانى:
"مەنى وسىلاي تاربيەلەگەن. مەن دە ءوز بالالارىمدى ۇرىپ تاربيەلەيمىن! شارۋالارىڭ بولماسىن، شەشەڭ..." دەلىنگەن جۋرناليست جازباسىندا.
"مەنى وسىلاي تاربيەلەگەن. مەن دە ءوز بالالارىمدى ۇرىپ تاربيەلەيمىن! شارۋالارىڭ بولماسىن، شەشەڭ..." دەلىنگەن جۋرناليست جازباسىندا.
تۇركىستان وبلىسى قازىعۇرت اۋدانى قىزىلقيا اۋىلىندا بولعان وقيعا تۋرالى العاش جازعان جۋرناليست جازيرا بەگالى ءوزىنىڭ ۇلدارىن اياۋسىز ۇرعانىن دۇرىس دەپ ەسەپتەيتىن اكە بالالارى مەن جۇبايىنان كەشە كەشىرىم دە سۇراماعانىن جازعان.
جۋرناليست وتباسىداعى زورلى-زومبىلىققا توزۋگە بولمايتىنىن ايتىپ، قازاقستاندا بالا قۇقىعىن، ايەلدى ازاپتان اراشالاۋ وتە قيىن شارۋا ەكەنىن جەتكىزدى.
"تاياق جەگەن كەلىنشەككە قايىن جۇرتى، تۋىسقاندارى، اۋىلداستارى جاعىنان قىسىم جاسالاتىنىن بىلەمىن" دەگەن ول ءىس "سوتقا جەتكەنشە جانە سوت بىتكەنشە، ءبىر ەمەس ءتورت قورعانسىزدىڭ تاعدىرىنا قاتىستى تەرگەۋ ءىسىن باقىلايمىن. بالانى ۇرعان ادامنىڭ جازالانۋىن تالاپ ەتەمىن" دەدى ول.
