مەملەكەت باسشىسى قاسىم-جومارت توقايەۆ تەلەفون ارقىلى تاجىكستان پرەزيدەنتى ەمومالي راحموندى تۋعان كۇنىمەن قۇتتىقتادى. بۇل تۋرالى اقوردا سايتى حابارلادى.
"مەملەكەت باسشىسى پرەزيدەنت ەمومالي راحموندى تۋعان كۇنىمەن قۇتتىقتاپ، باۋىرلاس تاجىكستان حالقىنىڭ يگىلىگى ءۇشىن اتقارىپ كەلە جاتقان جاۋاپتى مەملەكەتتىك قىزمەتىندە تابىسقا جەتە بەرۋىنە تىلەكتەستىك ءبىلدىردى.
قاسىم-جومارت توقايەۆ ەمومالي راحموننىڭ ەكى ەل اراسىنداعى ءداستۇرلى دوستىقتى جانە ىنتىماقتاستىقتى نىعايتۋعا قوسقان ۇلەسىن اتاپ ءوتىپ، جوعارى دەڭگەيدەگى بەلسەندى ساياسي ديالوگ قازاق-تاجىك حالىقتارىنىڭ ستراتەگيالىق سەرىكتەستىگىن ودان ءارى تەرەڭدەتۋگە سەپتىگىن تيگىزە بەرەتىنىنە سەنىم ءبىلدىردى" دەلىنگەن حابارلامادا.
پىكىر قالدىرۋ