قىرعىستان پرەزيدەنتى سوورونباي جەەنبەكوۆ ەلدەگى ساياسي جاعدايعا بايلانىستى مالىمدەمە جاسادى.
"قۇرمەتتى، وتارداستار!
كەشە تۇندە كەيبىر ساياسي كۇشتەر زاڭسىز تۇردە مەملەكەتتىك بيلىكتى باسىپ الۋعا تىرىستى.
ولار سايلاۋ قورىتىندىسىن سىلتاۋ ەتىپ، قوعامدىق ءتارتىپتى، ازاماتتاردىڭ بەيبىت ءومىرىنىڭ شىرقىن بۇزدى.
ولار قۇقىق قورعاۋ ورگاندارىنا باعىنباي، مەدبيكەلەردى ۇرىپ، عيماراتتاردى قيراتتى.
مەن ءار ازاماتتىڭ ومىرىنە ءقاۋىپ تونبەس ءۇشىن قارۋلى كۇشتەرگە قارۋ اتپاۋعا، قان توكپەۋگە بۇيىردىم.
ازىرگە ءبىز احۋالدىڭ ناشارلاپ كەتپەۋى ءۇشىن قاجەتتىنىڭ ءبارىن جاسادىق.
ەل تىنىشتىعى مەن قوعام تۇراقتىلىعى كەز كەلگەن دەپۋتاتتىق مانداتتان قۇندىراق.
مەن ورتالىق سايلاۋ كوميسسياسىنا قۇقىقبۇزۋشىلىقتى زەرتتەپ، قاجەت بولسا، سايلاۋ ناتيجەسىن جويۋدى ۇسىندىم.
ساياسي پارتيا باسشىلارىن جاقتاستارىن تىنىشتاندىرىپ، ادام كوپ جينالعان جەرلەردەن الىپ كەتۋىن، وتانداستارىمنان بەيبىتشىلىكتى ساقتاپ، ارانداتۋعا ەرمەۋىن سۇرايمىن.
مەن بارلىق كۇشتىك قۇرىلىمداردى ەل تاعدىرىن ساياسي امبيسيادان جوعارى قويىپ، قۇقىقتىق جاعدايعا ورالۋعا شاقىرامىن" دەلىنگەن قىرعىز پرەزيدەنتىنىڭ مالىمدەمەسىندە.
وقي وتىرىڭىز: "اتامبايەۆ قايتا پرەزيدەنت بولا ما؟". قىرعىزستانداعى ميتينگكە جەلى رەاكسياسى
پىكىر قالدىرۋ