قىرعىزستان پرەزيدەنتى سوورونباي جەەنبەكوۆتىڭ بىشكەكتە ەكەنى حابارلاندى. بۇل تۋرالى ونىڭ باسپا ءسوز حاتشىسى تولگوناي ستامالييەۆا مالىمدەدى.

بۇعان دەيىن پرەزيدەنتتىڭ ەلدەن كەتىپ قالعانى تۋرالى حابار تاراعان بولاتىن. كەيىننەن ونىڭ باسپا ءسوز حاتشىسى بۇل اقپاراتتى جوققا شىعاردى. 

– قازىرگى كەزدە ول بىشكەكتە، – دەدى تولگوناي ستامالييەۆا. 

مەملەكەت باسشىسىنىڭ باسپا ءسوز حاتشىسى جەەنبەكوۆ "جاعدايدى باقىلاپ، بارلىق ساياسي كۇشتىڭ ەلدىڭ مۇددەلەرىن ءوز مۇددەلەرىنەن جوعارى قوياتىنىنا، ەل ازاماتتارىن تولعاندىراتىن باسقا دا قاۋىپتەرگە جول بەرمەيتىنىنە سەنىم بىلدىرەتىنىن اتاپ ايتتى.

– قازىرگى جاعدايدى ەسكەرە وتىرىپ، پرەزيدەنت وسك-عا پارلامەنتتىك سايلاۋ قورىتىندىلارىن جويۋعا دەيىنگى بۇزۋشىلىقتارعا بايلانىستى ماتەريالداردى مۇقيات زەرتتەۋگە كەڭەس بەردى، – دەدى ستامالييەۆا.

ەسكە سالا كەتەيىك، قىرعىزستاندا 4 قازاندا وتكەن پارلامەنت سايلاۋىنىڭ ناتيجەسىمەن كەلىسپەگەن ازاماتتار بىشكەكتە نارازىلىق اكسياسىنا شىقتى.

5 قازاندا كۇندىز نارازىلىققا شىققان ازاماتتار سايلاۋ قورىتىندىسىنىڭ كۇشىن جويىپ، جاڭا سايلاۋ وتكىزۋدى تالاپ ەتۋدە.

وقي وتىرىڭىز: "اتامبايەۆ قايتا پرەزيدەنت بولا ما؟". قىرعىزستانداعى ميتينگكە جەلى رەاكسياسى