الماتىدا «بيۋدجەتكە قاتىسۋ» جوباسى بويىنشا وتىنىشدەردى قابىلداۋ مەرزىمى ۇزارتىلدى. تۇرعىندار وزدەرىنىڭ جوبالىق ۇسىنىستارىنا 2020 جىلدىڭ 20 قازانىنا دەيىن ءوتىنىش بەرە الادى. ءوتىنىمدى budget.open-almaty.kz. سايتىندا قالدىرۋعا بولادى
الماتى قالاسىنىڭ «بيۋدجەتكە قاتىسۋ» جوباسىنىڭ ماقساتى ازاماتتاردىڭ باستامالارى مەن ۇسىنىستارى نەگىزىندە قالا اۋداندارىنىڭ اۋماقتارىن دامىتۋ جانە اباتتاندىرۋ بولىپ تابىلادى. قالا تۇرعىندارىنىڭ باستامالارىنا الماتى قالاسىنىڭ قوعامدىق كەڭەسىنىڭ مۇشەلەرى، ساراپشىلار، ءماسليحات دەپۋتاتتارى، ۇەۇ وكىلدەرى ءوز باعالارىن بەرەدى.
الماتىلىقتار اشىق تالقىلاۋ جانە داۋىس بەرۋ ارقىلى قالا بيۋدجەتىن قايدا باعىتتاۋ كەرەكتىگىن انىقتايدى. ەگەر باستامانى باسقا تۇرعىندار داۋىس بەرۋ بارىسىندا قولداسا، ول قالالىق بيۋدجەت ەسەبىنەن جۇزەگە اسىرىلادى. ءبىر ءوتىنىم 55،5 ملن تگ اسپاۋى ءتيىس. قارجىلاندىرۋدىڭ جالپى كولەمى 6،4 ملرد تەڭگەنى قۇرايدى — قالانىڭ ءاربىر اۋدانىنا 800 ملن تگ. وتكەن جىلى ءار اۋدانعا 500 ملن تگ ءبولىندى.
بيىلعى جىلى ءوتىنىم بەرۋ الگوريتمى مەن شارتتارى جەڭىلدەتىلگەنىن اتاپ وتكەن ءجون. ءوز جوبالارىن ۇسىناتىن تۇرعىندار سمەتانى نەمەسە ەسكيزدى قوسپاي، ونىڭ ورنىنا ۇسىنىلعان ستاندارتتى قۇجاتتاردىڭ ءبىرىن تاڭداي الادى نەمەسە ينتەرنەتتەن سۋرەتتى جۇكتەي الادى. بۇل ارنايى ءبىلىمى جوق كەز-كەلگەن قالا تۇرعىنىنىڭ ءوز يدەياسىن ۇسىنا الاتىنىن جانە ءوز اۋدانىن جاقسارتۋعا جانە قالالىق ورتانى دامىتۋعا ءوز ۇلەسىن قوسا الادى دەگەندى بىلدىرەدى.
2021 جىلعا وتىنىمدەردى قابىلداۋ اعىمداعى جىلدىڭ 28 تامىزىندا الماتى دامۋ ورتالىعى پورتالىندا — Open Almaty باستالدى. اعىمداعى جىلعى 5 قازانداعى جاعداي بويىنشا 428 جوبالىق ۇسىنىس بەرىلدى. بۇعان دەيىن پيلوتتىق كەزەڭدە 333 جوبا ۇسىنىلعان بولاتىن، ولاردىڭ ءبىرقاتارى اياقتالىپ، پايدالانۋعا بەرىلدى. ىسكە اسىرىلعان جوبالاردىڭ ىشىندە سكەيتپارك، سويلەيتىن ورىندىق، بالالار مەن ەرەسەكتەردىڭ سپورتپەن شۇعىلدانۋىنا ارنالعان جايلاستىرىلعان الاڭدار، قالا تۇرعىندارىنىڭ ساياباقتارى مەن دەمالىس ورىندارى بار.
«بيۋدجەتكە قاتىسۋ» جوباسىنىڭ قاتىسۋشىسى مارگاريتا بالاكيريەۆا وتكەن جىلى المالى اۋدانىنداعى بوس ۋچاسكەنى كوگالداندىرۋدى ۇسىنعان.
«مەن روزىباكييەۆ-جامبىل كوشەلەرىنىڭ قيىلىسىندا وسىنداي ورىن تاپتىم، جاقىن جەردە جۇمىس ىستەپ، ۇنەمى سول جەردەن ءوتىپ ءجۇردىم. سودان مەندە سول جەردى اباتتاندىرۋ يدەياسى پايدا بولدى – مەن ول جەرگە ءدامحانا نەمەسە اۆتوكولىك تۇراعىن جاساپ تاستايدى ما دەپ قورقاتىنمىن، ءبىراق مەن ول جەردى كوگالداندىرعىم كەلدى. ادەتتە بىزگە سىزدەردە بۇل جەردە اناۋ بولادى، مىناۋ بولادى دەگەن ديرەكتيۆا ۇسىنادى عوي. ال مۇندا ءبىز سياقتى قالا تۇرعىندارىنىڭ وزدەرى قاتىسادى»، — دەپ ءبولىستى م. بالاكيريەۆا.
الماتى اكىمدىگى قالا تۇرعىندارىن وسى جوباعا بەلسەندى قاتىسۋعا شاقىرادى. سۇراقتار بويىنشا +7 (727) 224-3929، ىشكى 203 نەمەسە budget@almatydc.kz ەلەكتروندىق پوشتاسى ارقىلى وتىنىشدەردى قابىلداۋ، داۋىس بەرۋ جانە باستامالارعا ىرىكتەۋ budget.open-almaty.kz. پورتالىندا ونلاين وتەدى.
ەستەرىڭىزگە سالا كەتەيىك، ءوتىنىم بەرۋ مەرزىمىن 2020 جىلدىڭ 20 قازانىنا دەيىن ۇزارتۋ قوعامدىق كەڭەستىڭ جۇمىس وتىرىسىنىڭ قورىتىندىسى بويىنشا ۇسىنىلدى.
انىقتاما: جوبالاردى ىرىكتەۋ تالاپتارى:
— اۋماقتى كوگالداندىرۋ؛
— تروتۋارلاردى جايلاستىرۋ؛
— تروتۋارلار، پاندۋستار، ارىقتار سالۋ جانە جوندەۋ؛
— جالپى پايدالانۋ ورىندارىن (ساياباقتار، گۇل باقتارى، جاياۋ جۇرگىنشىلەر ايماقتارى جانە باسقا نىساندار) قۇرۋ، جوندەۋ جانە جارىقتاندىرۋ؛
— جيەكتەردى، تىرەۋ قابىرعالارىن جوندەۋ؛
— قوقىس تاستايتىن جەرلەردى جويۋ؛
— اۋلا اۋماقتارىندا جانە جالپى پايدالانۋ ورىندارىندا سپورتتىق (جاتتىعۋ الاڭدارىن، فۋتبول، باسكەتبول، ۆولەيبول الاڭدارىن)، بالالاردىڭ ويىن الاڭدارىن ورناتۋ، جوندەۋ جانە جارىقتاندىرۋ.
پىكىر قالدىرۋ