پرەزيدەنت قاسىم-جومارت توقايەۆ قازاقستان رەسپۋبليكاسىنىڭ باسەكەلەستىكتى قورعاۋ جانە دامىتۋ اگەنتتىگىنىڭ كەيبىر ماسەلەلەرى تۋرالى جارلىققا قول قويدى، دەپ حابارلادى اقوردا سايتى.
قۇجاتتا قازاقستان رەسپۋبليكاسىنىڭ باسەكەلەستىكتى قورعاۋ جانە دامىتۋ اگەنتتىگى تۋرالى ەرەجە، اگەنتتىكتىڭ قۇرىلىمى قوسا بەرىلگەن.
"اگەنتتىككە قازاقستان رەسپۋبليكاسى ساۋدا جانە ينتەگراسيا مينيسترلىگىنىڭ تاۋار بيرجالارى سالاسىنداعى قىزمەتتى مەملەكەتتىك باقىلاۋدى جانە ليسەنزيالاۋدى جۇزەگە اسىرۋ جونىندەگى فۋنكسيالارى مەن وكىلەتتىكتەرى بەرىلسىن" دەلىنگەن جارلىقتا.
جارلىق قول قويىلعان كۇنىنەن باستاپ قولدانىسقا ەنەدى. پرەزيدەنت جارلىقتى ىسكە اسىرۋ ءۇشىن ۇكىمەتكە شارالار قابىلداۋدى تاپسىردى.
قازاقستان رەسپۋبليكاسىنىڭ باسەكەلەستىكتى قورعاۋ جانە دامىتۋ اگەنتتىگى تۋرالى قۇجاتتىڭ تولىق نۇسقاسى
پىكىر قالدىرۋ