دۇنيەجۇزىلىك دەنساۋلىق ساقتاۋ ۇيىمى ارىپتەستىك ورتالىعىنىڭ سوديرەكتورى دجانەت روبەرتس كوروناۆيرۋس ەپيدەمياسىنىڭ ءورشىپ بارا جاتقانىن ايتىپ، جىل سوڭىنا دەيىن اۋرۋدان قايتىس بولعاندار سانى 2،3 ميلليونعا جۋىقتاۋى ىقتيمال دەگەن بولجام جاسادى.
ول ەپيدەميانىڭ تارالۋى مەن ۆيرۋستىڭ جۇقپالى ەكەنىن ەسكەرىپ، "مۇنداي قاۋىپكە (ولگەندەر سانىنىڭ ارتۋى) نەگىز بار ەكەنىن جەتكىزدى.
– ءبىز قورعانۋ شارالارىن جۇيەلى تۇردە ۇستاي بەرمەيمىز. بۇل ەپيدەمياعا قارسى كۇرەستە قيىندىق تۋدىرادى. پاندەميادان شارشاعاندار مەن دەنساۋلىقتى قورعاۋ كەڭەستەرىنە قۇلاق اسپايتىندار جانە اۋرۋدىڭ بارىنا سەنبەيتىندەر جاعدايدى قيىنداتا بەرەدى، – دەدى ول.
جاڭا زەلەندياداعى قوعامدىق دەنساۋلىق ۋنيۆەرسيتەتىنىڭ پروفەسسورى مايكل باركەر پاندەميانىڭ ءورشىپ بارا جاتقانىمەن كەلىسەتىنىن ايتتى.
بۇگىندە الەمدە كوۆيد-19 ۆيرۋسىن جۇقتىرعاندار 35 ميلليون ادامنان استى. ونىڭ ىشىندە 1 ميلليون ادام قايتىس بولدى.
پىكىر قالدىرۋ