توقايەۆ شىمكەنت قالاسىنىڭ اكىمىنە تاپسىرما بەردى

/image/2020/10/06/crop-13_183_1490x1987_4edf9bfe-32e9-46c8-a5ba-0ade627e3f7b.jpeg

مەملەكەت باسشىسى قاسىم-جومارت توقايەۆ شىمكەنت قالاسىنىڭ اكىمى مۇرات ايتەنوۆتى قابىلدادى، دەپ حابارلادى اقوردا سايتى.

ايتەنوۆ توقايەۆقا بيىلعى 9 اي ىشىندەگى شىمكەنت قالاسىنىڭ الەۋمەتتىك-ەكونوميكالىق دامۋىنىڭ نەگىزگى كورسەتكىشتەرى تۋرالى اقپارات بەردى.

سونداي-اق ول قالا ينفراقۇرىلىمىنىڭ قالىپتاسۋى، بولشەك ساۋدانىڭ دامۋ بارىسى، جۇمىسپەن قامتۋ جول كارتاسى اياسىندا قالادا جۇزەگە اسىرىلىپ جاتقان جوبالار جونىندە باياندادى.

قالا اكىمىنىڭ ايتۋىنشا، 226 جوباعا 45،3 ميلليارد تەڭگە كولەمىندە قارجى ءبولىنىپ، ونىڭ 80 پايىزى يگەرىلدى.

سونىمەن قاتار شىمكەنت قالاسى بويىنشا كوروناۆيرۋس پاندەمياسىنىڭ ىقتيمال ەكىنشى تولقىنىنا قارسى ءبىرقاتار دايىندىق شارالارى قابىلدانعان.

پرەزيدەنت قالاداعى اتقارىلىپ جاتقان جۇمىستارعا وڭ باعا بەرىپ، شاھارعا ينۆەستيسيا تارتۋ ءىسىن، قولجەتىمدى كوپ قاباتتى تۇرعىن ءۇي قۇرىلىسىن ودان ءارى جانداندىرۋدى جانە جاڭا جۇمىس ورىندارىن كوپتەپ اشۋدى تاپسىردى.

قاتىستى ماقالالار