قىرعىزستاندا پارلامەنتتىڭ شۇعىل وتىرىسىندا وپپوزيسيا جەتەكشىسى سادىر جاپاروۆتى پرەمەر-مينيستردىڭ مىندەتىن اتقارۋشى ەتىپ تاعايىنداۋ تۋرالى شەشىم قابىلداندى. بۇل تۋرالى vesti.ru حابارلادى.
ەندى سادىر جاپاروۆ پارلامەنتكە ءوزىنىڭ باعدارلاماسى مەن مينيسترلەر كابينەتىنىڭ قۇرامىن ۇسىنعان سوڭ عانا ونى پرەمەر-مينيستر ەتىپ بەكىتەدى.
جاڭادان سايلانعان پرەمەر-مينيستر 2013 جىلعى تارتىپسىزدىك كەزىندە ادامداردى كەپىلگە العانى ءۇشىن جازاسىن وتەپ جاتقان بولاتىن. بۇلىكشىل توپ 6 قازانعا قاراعان ءتۇنى ونى تۇرمەدەن بوساتىپ العان.
بۇعان دەيىن قىرعىزستاننىڭ پرەمەر-مينيسترى كۋباتبەك بورونوۆ ءوز ەركىمەن وتستاۆكاعا كەتكەن بولاتىن.
پىكىر قالدىرۋ