ازەربايجان مەن رەسەي پرەزيدەنتتەرى يلحام الييەۆ پەن ۆلاديمير پۋتين تەلەفون ارقىلى تاۋلى كاراباقتاعى قاقتىعىستى تالقىلادى. بۇل ەكى كوشباسشىنىڭ ايماقتاعى سوعىس باستالعاننان بەرگى العاشقى اڭگىمەسى، دەپ حابارلادى ريا نوۆوستي سايتى.
اڭگىمە باكۋدىڭ باستاماسى بويىنشا ءوتتى.
"پرەزيدەنت يلحام الييەۆ رەسەي پرەزيدەنتىن تۋعان كۇنىمەن قۇتتىقتاپ، وعان رەسەيدىڭ دامۋى مەن وركەندەۋىن جانە مەملەكەتتىك قىزمەتتە جاڭا تابىستار تىلەدى" دەلىنگەن ازەربايجان پرەزيدەنتىنىڭ باسپا ءسوز قىزمەتى تاراتقان اقپاراتتا.
ۆلاديمير پۋتين ارىپتەسىنە كوڭىل ءبولىپ، قۇتتىقتاعانى ءۇشىن العىس ايتتى.
"مەملەكەت باسشىلارى ارميان-ازەربايجان تاۋلى قاراباح قاقتىعىسىنىڭ توڭىرەگىندەگى جاعدايدى تالقىلادى. يلحام الييەۆ پەن ۆلاديمير پۋتين ازەربايجان-رەسەي قاتىناستارىنىڭ بولاشاعى تۋرالى پىكىر الماستى" دەلىنگەن حابارلامادا.
تاۋلى كاراباحتاعى قاقتىعىس 27 قىركۇيەكتەن بەرى جالعاسىپ كەلەدى. ەكى تاراپ جانجالدىڭ باستالۋىنا ءبىرىن-بىرى كىنالايدى.
پىكىر قالدىرۋ