قازاقستاندىق تانىمال ساتيرا اكتەرى تۇرسىنبەك قاباتوۆ، كولىگىمەن ادام قاعىپ كەتكەن جۇرگىزۋشىنىڭ ىسىنە قاتىستى instagram-دا پىكىر ءبىلدىردى.
قاباتوۆ وقيعا وسىدان ءبىر جىل بۇرىن بولعانىن ايتتى.
– اسسالاۋماعالەيكۇم قازاق ەلى! بۇگىن جەلىدە "تۇرسىنبەكتىڭ كولىگىمەن ادام قاقتى" دەپ اقپارات تاراپ جاتىر. اركىم ءارتۇرلى ايتىپ جاتىر، سول سەبەپتى مەن ءوزىم تۇسىندىرسەم دەپ شەشتىم. ۇندەمەي وتىرا المادىم. مەن بۇل ءىستىڭ باسىندا بولعان جوقپىن. بۇل وسىدان ءبىر جىل بۇرىن، 2019 جىلدىڭ قازان ايىندا بولعان وقيعا. مەنىڭ كومەكشىم، جۇرگىزۋشىم ەمەس. مەن نەگىزى رولدە ءوزىم وتىرامىن. كومەكشىم كەشكە كەلىپ، مەنەن كومەك سۇرادى. "جۇمىستارىممەن ءبىر جەرگە بارىپ كەلەيىن دەپ ەدىم" دەپ. ونىڭ ارتى وسىلاي اياقتالاتىنىن، شىنى كەرەك، بىلگەن جوقپىن، – دەيدى ازىلكەش.
اكتەردىڭ ايتۋىنشا، كومەكشىسىندە بۇرىن جۇرگىزۋشى كۋالىگى بولعان، ول ونى ءوزى كورگەن.
– ول دا ماعان ايتقان جوق. ءوزىنىڭ دە كولىگى بار بولعان. سول ۋاقىتتا سىنىپ قالسا كەرەك. ارتىنان وقيعانىڭ بولعانىن ەستىدىم. توبەمە جاي تۇسكەندەي بولدى. وڭاي بولعان جوق. سۇراستىرا كەلە مارقۇم ءوزى كىنالى ەكەن، كىشكەنە ىشكەنى بار ەكەن، جولعا جۇگىرىپ شىققان دەپ جاتىر. مەن مارقۇمنىڭ ارتىنان جامان نارسە ايتقالى تۇرعان جوقپىن. "مەن ول جىگىتكە "قولىڭمەن ىستەگەنىڭدى موينىڭمەن كوتەر، مەن ارالاسپايمىن" دەپ ايتتىم. بىرەۋلەر "تۇرسىنبەك اقشا بەردى" دەدى. مەن ەشكىمگە xابارلاسقان ەمەسپىن. بۇل ىسكە ارالاسقان جوقپىن. ماعان قويعان سۇراقتارعا جاۋاپ بەردىم. مەن ونىڭ كۋالىگى جوعىن بىلمەيمىن. سوندىقتان ايتارىم: ءقازىر ءارتۇرلى اقپارات تاراپ جاتىر، ءيا، مەن ونىڭ باسىندا بولماسام دا كولىك سەنىكى عوي دەپ كىنا تاعىپ جاتقاندار بولسا مەن كەشىرىم سۇرايمىن. ءبىراق مەن ول كولىكتىڭ ىشىندە بولعان ەمەسپىن. سىزدەرگە ايتارىم وسى، – دەدى ءارتىس.
تۇرسىنبەك قاباتوۆ instagram جەلىسىنەن اتالعان ۆيدەونى ءوشىرىپ تاستاعاندىقتان، بەينەجازبا Kaskelen.kz پاراقشاسىنان الىندى.
بۇعان دەيىن تۇرسىنبەك قاباتوۆتىڭ كولىگىمەن كىسى قاعىپ ولتىرگەن جۇرگىزۋشىسىنىڭ ءالى جازالانباعانى جايلى حابارلانعان.
پوسموترەت ەتۋ پۋبليكاسيۋ ۆ Instagram
پىكىر قالدىرۋ