الماتى وبلىسىندا ەكى جاسار ءبۇلدىرشىن ءولى كۇيىندە تابىلدى. بۇل تۋرالى Polisia.kz پورتالى حابارلادى.

سايتتىڭ مالىمەتىنشە، 5 قازان كۇنى ساعات 16:00 شاماسىندا قاراتال اۋداندىق پوليسيا بولىمشەسىنە ۇشتوبە قالاسىنداعى جەكە ۇيدەن ەكى جاسار بالانىڭ ءولى دەنەسى تابىلعانى حابارلانعان. بۇل جاعداي قىلمىستىق كودەكستىڭ 99-بابى 3-بولىگى ("جاس بالانى ءولتىرۋ") بويىنشا تىركەلگەن.

"پوليسياعا بالانىڭ اناسىنىڭ تۋعان اپكەسى حابارلاسقان. ونىڭ ايتۋىنشا، ول شىلدە ايىنان بەرى جيەنىن كورمەگەن. قايدا ەكەنىن سۇراعاندا، تالدىقورعان قالاسىنا تاربيەشىگە بەرگەنىن ايتىپ، ۇيىنە كىرگىزبەگەن. ىشتەي كۇدىكتەنگەن اپكەسى ول جوق كەزدە تەرەزە ارقىلى ۇيگە كىرىپ، مۇزداتقىشتان جيەنىنىڭ ءمايىتىن تاپقان" دەلىنگەن سايت مالىمەتىندە.

پوليسەيلەر دەرەۋ كۇدىكتىنى ىزدەستىرۋ شارالارىن جۇرگىزدى. بىرنەشە ساعات ىشىندە ۇشتوبە قالاسىنىڭ 27 جاستاعى تۇرعىنى ۇستالدى. كۇدىكتى ۇلىن ولتىرگەنىن مويىنداعان. ايەلدىڭ ايتۋىنشا، ول بالانىڭ اكەسىمەن اجىراسقان. كۇدىكتى ۋاقىتشا ۇستاۋ يزولياتورىنا قامالدى.