ءبىلىم جانە عىلىم ءمينيسترى اسحات ايماعامبەتوۆ پەداگوگتەردىڭ قوسىمشا اقى الاتىنىن ايتتى. بۇل تۋرالى ول تەحنيكالىق جانە كاسىپتىك ءبىلىم بەرۋدىڭ 80 جىلدىعىنا ارنالعان ءىس-شارا بارىسىندا حابارلادى.

ونىڭ ايتۋىنشا، بۇعان دەيىن بىلىكتىلىك ساناتى ءۇشىن قوسىمشا تولەمدى تەك مەكتەپ مۇعالىمدەرى الاتىن. "پەداگوگ مارتەبەسى تۋرالى" زاڭ بويىنشا كوللەدج پەداگوگتەرى دە قوسىمشا اقى الاتىن بولادى.

– مەملەكەت باسشىسىنىڭ قولداۋىمەن 2020 جىلدىڭ قاڭتار ايىنان باستاپ كوللەدج پەداگوگتەرىنىڭ جالاقىسى ارتتى. الداعى جىلدارى دا ارتا تۇسپەك. بىلىكتىلىك ساناتى ءۇشىن پەداگوگتەرگە قوسىمشا اقى تولەۋ ماسەلەسى كوپ جىلدار بويى كوتەرىلگەن بولاتىن. ەگەر مەكتەپتەردە مۇعالىمدەر بىلىكتىلىك ساناتتارى ءۇشىن قوسىمشا اقى السا، كوللەدجدەردە مۇنداي ءۇردىس بولعان جوق. ەندى كوللەدج پەداگوگتەرى دە اي سايىن لاۋازىمدىق جالاقىسىنىڭ 30-دان 50 پايىزىنا دەيىن قوسىمشا اقى الاتىن بولادى. ءوز كەزەگىندە كوللەدج ديرەكتورلارى مەن ديرەكتور ورىنباسارلارىنىڭ اتقارعان جۇمىسىنىڭ تيىمدىلىگىنە بايلانىستى ءوز جالاقىسىنىڭ 100 پايىزىنا دەيىن قوسىمشا اقى الۋ مۇمكىندىگى بار. بۇل ارىپتەستەرىمىزدىڭ جۇمىسقا دەگەن ىنتا-جىگەرى مەن جۇمىستىڭ تيىمدىلىگىن ارتتىرا تۇسپەك، – دەدى مينيستر.