قىرعىزستاننىڭ استاناسى بىشكەكتە بولعان ميتينگ كەزىندە قايتىس بولعان ازاماتتىڭ دەنەسى باتكەن وبلىسىندا جەر قوينىنا تاپسىرىلدى، دەپ حابارلادى Sputnik Kyrgyzstan اگەنتتىگى.
ۇمۇتبەك التىنبەك ۋۋلۋ 2001 جىلى لەيلەك اۋدانىنىڭ كارا-بۋلاك اۋىلىندا دۇنيەگە كەلگەن. 9 جىلدىق مەكتەپتى اياقتاعان سوڭ، وقۋىن بىشكەك قالاسىندا جالعاستىرعان. بىشكەكتەگى ورتا كاسىپتىك ۋچيليششەنى بىتىرگەن، تىگىن ماماندىعى بويىنشا جۇمىس ىستەپ جاتقان.
ەسكە سالساق، 5 قازان كۇنى بىشكەك قالاسىندا پارلامەت سايلاۋىنىڭ ناتيجەسىنە نارازى بولعان توپ ميتينگ وتكىزگەن. كەيىنىرەك جينالعاندار "اق ءۇيدى" باسىپ الۋعا ارەكەت جاساپ، ارتىنشا ءتارتىپ ساقتاۋ قىزمەتكەرلەرىمەن قاقتىعىسىى العان. سونىڭ سالدارىنان 686 ادام جاراقاتتانعان.
ولاردىڭ اراسىندا 19 جاستاعى ۇمۇتبەك التىنبەك ۋۋلۋ دا بولعان. ول گراناتا جارىلعان كەزدە اياعىنان جاراقات الىپ، اۋرۋحاناعا جەتكىزىلگەن. ءبىراق دارىگەرلەر جىگىتتىڭ ءومىرىن ساقتاپ قالا المادى.
پىكىر قالدىرۋ