8 قازاندا قازاقستاننىڭ ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆ قىرعىز رەسپۋبليكاسىنىڭ مەملەكەتتىك ۇلتتىق قاۋىپسىزدىك كوميتەتى ءتوراعاسىنىڭ مىندەتىن اتقارۋشى ومىربەك سۋۆانالييەۆپەن تەلەفون ارقىلى سويلەستى. بۇل تۋرالى ۇلتتىق قاۋىپسىزدىك كوميتەتىنىڭ سايتى حابارلادى.
ۆەدومستۆو مالىمەتىنشە، ەكەۋارا اڭگىمەدە قىرعىزستاندا بولىپ جاتقان جاعداي تالقىلانعان.
"قىرعىزستاندا قالىپتاسقان جاعداي تالقىلاندى. جاعدايدىڭ تەز قالپىنا كەلەتىنىنە سەنىم ءبىلدىرىلدى. وسىعان دەيىنگى كەلىسىمدەرگە قاراي ەكى ۆەدومستۆونىڭ ىنتىماقتاستىعىن جالعاستىرۋدىڭ ماڭىزى ايتىلدى" دەلىنگەن حابارلامادا.
ەسكە سالساق، 4 قازان كۇنى قىرعىزستاندا جوعارعى كەڭەسكە دەپۋتاتتار سايلاۋى ءوتتى. 5 قازان كۇنى سايلاۋ ناتيجەسىنە نارازى توپ ورتالىق الاڭدا ميتينگ ۇيىمداستىرىپ، ونىڭ سوڭى جاپپاي قاقتىعىسقا ۇلاستى.
پىكىر قالدىرۋ