قازاقستانعا كوروناۆيرۋستى ەمدەيتىن دارى-دارمەكتەر جەتكىزىلدى. «شيەۆرون» كومپانياسى قازاقستان رەسپۋبليكاسى دەنساۋلىق ساقتاۋ مينيسترلىگىنە دارى-دارمەكتى ساتىپ الۋعا جانە جەتكىزۋگە كومەك كورسەتتى.

«شيەۆرون» كورپوراسياسىنىڭ باستاماسى اياسىندا ىندەتكە شالدىققانداردى ەمدەۋگە قاجەتتى دارى-دارمەكتەردىڭ ءبىرىنشى توپتاماسى الماتى قالاسىنا كەلىپ جەتتى. «شيەۆرون» بۇل مەديسينالىق دارىلەردى قازاقستان رەسپۋبليكاسى دەنساۋلىق ساقتاۋ مينيسترلىگىنە كورسەتىلگەن گۋمانيتارلىق كومەك اياسىندا ساتىپ العان.

–  «شيەۆرون» كومپانياسى ۇنەمى الەۋمەتتىك قولداۋ تانىتادى. سىزدەر قازاقستانداعى وزەكتى ماسەلەلەرگە ەشقاشان بەي-جاي قارامايسىزدار. سىزدەرگە ەلىمىزگە كورسەتكەن گۋمانيتارلىق كومەك ءۇشىن، دارىلەر ءۇشىن العىس ايتقىم كەلەدى. قازاقستانداعى كوروناۆيرۋستىق ينفەكسيا مەن پنيەۆمونيا ىندەتىنىڭ تارالۋىن ءبىز بىرىگىپ توقتاتا الامىز، – دەدى دەنساۋلىق ساقتاۋ ءمينيسترى الەكسەي سوي.

– «شيەۆرون» كومپانياسىنىڭ اتىنان مەن الماتى قالاسىنا دارى-دارمەكتەردىڭ ءبىرىنشى توپتاماسى كەلگەنىن قۋانىشپەن حابارلايمىن، ولار قازاقستان ەمحانالارى مەن اۋرۋحانالارىنداعى پاسيەنتتەرگە جەتكىزىلەتىن بولادى. وسى قايىرىمدىلىق جوباسى ارقىلى ءبىز قازاقستان حالقىنا كۇردەلى ۋاقىتتا قولداۋ كورسەتۋدى ماقسات ەتتىك، – دەدى كومپانيانىڭ ەۋرازيا بولىمشەسىنىڭ باسقارۋشى ديرەكتورى دجون بالتس.

قايىرىمدىلىق شاراسى قازاقستان رەسپۋبليكاسىنا COVID-19 ىندەتىمەن كۇرەسۋگە يگى ىقپالىن تيگىزەرى ءسوزسىز. مەملەكەتتىڭ پاندەمياعا قارسى كۇرەسىنە كومەكتەسۋ ءۇشىن «شيەۆرون» كومپانياسى دەنساۋلىق ساقتاۋ مينيسترلىگىمەن بىرلەسە وتىرىپ، قازاقستانعا اسا قاجەتتى دارى-دارمەكتەر ءتىزىمىن قۇردى. دارى-دارمەكتى جەتكىزۋمەن قاتار بۇل باعدارلاما مەديسينالىق جابدىقتى ساتىپ الۋ مەن جەتكىزۋدى قاراستىرادى. بۇدان بولەك، ىندەتكە شالدىققانداردى ەمدەۋ كۋرسىنا وقىتۋ ماسەلەسىن دە قامتيدى. ايتا كەتەيىك، «شيەۆرون» كورپوراسياسى - الەمدەگى جەتەكشى بىرىكتىرىلگەن ەنەرگەتيكالىق كومپانيالاردىڭ ءبىرى. بۇكىل الەمدە بيزنەسىن جۇرگىزەتىن ەنشىلەس كومپانيالارى ارقىلى كومپانيا ەنەرگەتيكا سالاسىنىڭ بارلىق تۇرلەرىنە قاتىسادى. «شيەۆرون» شيكى مۇناي مەن تابيعي گازدى زەرتتەيدى، وندىرەدى جانە تاسىمالدايدى، كولىك وتىنى مەن جانارمايدى تازارتادى، نارىققا شىعارادى جانە تاراتادى؛ مۇناي-حيميالىق زاتتار مەن قوسپالاردى وندىرەدى؛ قۋات وندىرەدى جانە كومپانيا وپەراسيالارىنىڭ بارلىق سالالارىنداعى بيزنەس قۇندىلىقتارىن ارتتىراتىن تەحنولوگيالاردى ازىرلەيدى جانە قولدانادى. «شيەۆرون» كومپانياسىنىڭ باس كەڭسەسى سان رامون قالاسىندا (اقش، كاليفورنيا شتاتى) ورنالاسقان.