قىرعىزستانداعى ميتينگتەردىڭ بىرىندە "اتا مەكەن" پارتياسىنىڭ مۇشەسى تىلەك توكتاگازييەۆتىڭ باسىنا تاس ءتيىپ، اۋرۋحاناعا جەتكىزىلدى.
توكتاگازييەۆتىڭ قازىرگى جاعدايى تۋرالى ناقتى مالىمەت جوق. دارىگەرلەردىڭ تاراپىنان ءتيىستى كومەك كورسەتىلگەن.
ەلۆيرا سۋرابالدييەۆاعا دا بوتەلكە تيگەن. ونىڭ ايتۋىنشا، جاعدايى جاقسى. "تىلەك قاتتى جارالاندى. ول ەس- ءتۇسسىز جاتىر" دەدى ەلۆيرا سۋرابالدييەۆا.
الەۋمەتتىك جەلىدە ءۇستى-باسى قان ەر ادامنىڭ ۆيدەوسى تاراعان. ول الا-توو الاڭىنداعى تارتىپسىزدىكتەر كەزىندە باسىنا تاس ءتيىپ جاراقات العان.
جارالانعان ادام بۇرىنعى پرەمەر-مينيستر تەمىر سارييەۆتىڭ كۇزەتشىسى ەكەنى ايتىلدى. ەكس-پرەمەردىڭ ايتۋىنشا، ونىڭ بىرنەشە سەرىكتەستەرى دە زارداپ شەككەن.
ەسكە سالا كەتەيىك " الا توو" الاڭىندا ەكس-دەپۋتات سادىر جاپاروۆتىڭ جاقتاۋشىلارى مەن ەكس-پرەزيدەنت المازبەك اتامبايەۆتىڭ، بۇرىنعى پرەمەر-مينيستر ومىربەك بابانوۆتىڭ جاقتاستارى اراسىنداعى قاقتىعىس بولعان.
سادىر جاپاروۆتىڭ جاقتاستارى المازبەك اتامبايەۆ پەن ومۋربەك بابانوۆتىڭ جاقتاستارىمەن قاقتىعىستان كەيىن بىشكەكتىڭ ەسكى الاڭىنا ورالدى.
ەسكە سالايىق، پرەزيدەنت سوورونباي جەەنبەكوۆتىڭ جارلىعىنا سايكەس بۇگىننەن باستاپ بىشكەكتە توتەنشە جاعداي رەجيمى ەنگىزىلدى
پىكىر قالدىرۋ