Instagram-داشىعىس قازاقستان وبلىسىندا پوليسيا قىزمەتكەرى باسشىسىنىڭ زاڭسىز ىسكە ماجبۇرلەگەنىن ايتقان ۆيدەو جاريالاندى.
ۆيدەوۇندەۋ اۆتورىنىڭ ايتۋىنشا، ول 2013 جىلدان بەرى اكىمشىلىك قاماۋعا الىنعان ادامداردى ۇستاۋ يزولياتورىندا جۇمىس ىستەيدى. بيىل 27 شىلدەدە جۇمىستاعى كەزەكشىلىك ۋاقىتىندا كەزەكشى وفيسەر شارمان اۋداندىق پوليسيا ءبولىمى باستىعىنىڭ مىندەتىن ۋاقىتشا اتقارۋشىعا قوڭىراۋ شالۋىن سۇراعان. ول اكىمشىلىك كودەكستىڭ 608-بابى بويىنشا سوت ۇكىمىمەن 15 تاۋلىككە قامالعان 1970 جىلعى سوتتالۋشىنى بوساتۋ كەرەگىن ايتقان. سوتتالۋشى كورشى اۋىلعا جەرلەۋ راسىمىنە بارىپ كەلەتىنىن ەسكەرتكەن.
– "ەشكىمگە بايقاتپاي بارىپ كەلەدى" دەدى. باسشىم جاۋاپكەرشىلىكتى ءوز موينىنا الاتىنىن ايتتى. پروكۋرورمەن كەلىسكەنىن دە ايتتى. "اۋىرىپ قالدى" دەگەن سىلتاۋدى ايتۋىمدى سۇرادى. ءبىراق مەن ونىڭ بۇيرىعىن ورىنداۋدان باس تارتتىم، – دەيدى پوليسەي.
ونىڭ ايتۋىنشا، پوليسيا قىزمەتكەرى بارلىعىن ديكتافونعا جازىپ العان. ول جايتتى ىشكى ىستەر ءمينيسترى مەن باس پروكۋرورعا حابارلاعان. تارتىپتىك كوميسسيانىڭ شەشىمىمەن ونى قىزمەتىندە قالدىرىپ، تولىق ەمەس قىزمەت جازاسىن تاعايىنداۋ جايلى شەشىم قابىلدانعان. پوليسەيگە "جۇمىسىڭدى اۋىستىرعىڭ كەلە مە؟" دەگەن.
پوليسەي "بۇل ءىستىڭ جاۋاپسىز قالعانىن قالامايمىن. سوندا انتتى نە ءۇشىن بەردىم؟ سوت شەشىمىنىڭ ول ءۇشىن زاڭدى كۇشى بولماسا، ول ءوزىن كىممىن دەپ ويلايدى؟" دەلىنگەن ۆيدەوۇندەۋدە.
پىكىر قالدىرۋ