ازەربايجان رەسپۋبليكاسىنىڭ قازاقستانداعى ەلشىلىگى ازەربايجان مەن ارمەنيا سىرتقى ىستەر مينيسترلەرىنىڭ ماسكەۋدە وتكەن كەزدەسۋى ناتيجەسىندە قول جەتكىزىلگەن 2020 جىلدىڭ 10 قازان كۇنى ساعات 12:00-دەن باستاپ اتىستى گۋمانيتارلىق ماقساتتا توقتاتۋ رەجيمىن ۇستانۋ كەلىسىمىنە قاراماستان، ارمەنيانىڭ قارۋلى كۇشتەرى كەلىسىمدى ورەسكەل تۇردە بۇزۋدى جالعاستىرىپ جاتقانىن حابارلادى.
ەلشىلىك تاراتقان مالىمەتكە ساي، اتىستى گۋمانيتارلىق ماقساتتا توقتاتۋ رەجيمى كۇشىنە ەنە سالىسىمەن، ازەربايجاننىڭ اگدام جانە تەرتەر اۋداندارى ارمەنيا قارۋلى كۇشتەرى تاراپىنان زەڭبىرەك وعىنا ۇشىراعان. ارادا بىرنەشە ساعات وتكەن سوڭ ارمەنيانىڭ قارۋلى جاساقتارى گادرۋت جانە ءجابرايل باعىتىندا شابۋىل ارەكەتىن جاساعان.
"ارمەنيا قارۋلى كۇشتەرىنىڭ سۋگوۆشان اۋماعىندا ارميان سولداتتارىنىڭ ءمايىتىن جيناپ جۇرگەن اق تۋ تىگىلگەن سانيتار ماشيناسىن اتقىلاۋى ناتيجەسىندە ءبىر مەديسينالىق قىزمەتكەر اۋىر جاراقات الدى.
11 قازان ءتۇنى مايدان شەبىنەن الىس ورنالاسقان، كولەمى بويىنشا ازەربايجاننىڭ ەكىنشى ۇلكەن قالاسى گيانجاعا ارمەنيا قارۋلى كۇشتەرى راكەتالىق شابۋىل جاسادى. شابۋىل ناتيجەسىندە 7 ادام قازا تاۋىپ، 34 ادام جاراقات الدى، ارالارىندا بالالار دا بار.
اتىستى گۋمانيتارلىق ماقساتتا توقتاتۋ تۋرالى كەلىسىمنەن كەيىن ارمەنيا قارۋلى كۇشتەرىنىڭ بەيبىت تۇرعىندار مەن قالالارعا وق جاۋدىرۋى ۆارۆارلىقتىڭ تا ايقىن مىسالى بولىپ تابىلادى، ال ارمەنيا باسشىلىعىنىڭ اتىستى توقتاتۋعا شاقىرۋى ەكىجۇزدىلىگىنىڭ ايعاعى" دەلىنگەن اقپاراتتىق حابارلامادا.
ەلشىلىك ارمەنيانىڭ بەيبىت تۇرعىندارعا، ۇيلەرگە، ازاماتتىق وبەكتىلەرگە جانە مەديسينالىق قىزمەتكەرلەرگە ازەربايجانعا قارسى اگرەسسيا ساياساتى شەڭبەرىندە قاساقانا وق جاۋدىرۋى – ەلدىڭ حالىقارالىق گۋمانيتارلىق قۇقىق جانە جەنيەۆا كونۆەنسيالارىمەن بىرگە حالىقارالىق قۇقىقتىڭ نەگىزىن قالاۋشى نورمالاردى ەلەمەيتىنىن، ءوز مىندەتتەرىن ءسوزسىز بۇزاتىنىن جانە گۋمانيزمنىڭ نەگىزگى قاعيداتتارىنان مۇلدەم الىس ەكەنىن تاعى ءبىر مارتە كورسەتەتىنىن اتاپ ءوتتى.
"ارمەنيا تاراپىنان جاسالعان اگرەسسيا اكتىلەرىن قاتاڭ تۇردە ايىپتايمىز جانە حالىقارالىق قوعامداستىقتى باسقىنشى ەل ارمەنيانى حالىقارالىق قۇقىق پەن حالىقارالىق مىندەتتەردى ۇستانۋىنا ماجبۇرلەۋ ماقساتىندا باتىل قادامدار جاساۋعا شاقىرامىز.
اۋماقتاعى احۋال جاۋاپكەرشىلىگى ارمەنيانىڭ اسكەري-ساياسي باسشىلىعىنىڭ موينىندا" دەپ حابارلادى ازەربايجاننىڭ قازاقستانداعى ەلشىلىگى.
پىكىر قالدىرۋ