سولتۇستىك كورەيا اسكەري پارادتا جاڭا ستراتەگيالىق قارۋلارىن، ونىڭ ىشىندە كونتينەنتالدى بالليستيكالىق زىمىراندى كورسەتكەننەن كەيىن، وڭتۇستىك كورەيا ۇكىمەتى شۇعىل ءماجىلىس وتكىزدى.
"پحەنياننىڭ بيلەۋشى جۇمىسشىلار پارتياسىنىڭ قۇرىلعانىنا 75 جىل تولۋىنا وراي ۇيىمداستىرىلعان شارادا سولتۇستىك كورەيا باسشىسى كيم چەن ىن ەموسيونالدى تۇردە ءسوز سويلەدى" دەلىنگەن وڭتۇستىك كورەيا پرەزيدەنتىنىڭ كەڭسەسى تاراتحان حابارلامادا.
سونداي-اق جيىندا سۇڭگۋىر قايىققا جىبەرىلەتىن بالليستيكالىق زىمىران قامتىلىپ، جاڭا قارۋ-جاراقتار جانە ولارعا قارسى سەۋلدىڭ قورعانىس قابىلەتى تۋرالى ايتىلعان. سونىمەن قاتار، ءوزارا اسكەري قاقتىعىستار مەن سوعىستىڭ الدىن-الۋ ءۇشىن جاسالعان كەلىسىمدەرگە "مويىنسۇنۋ كەرەكتىگى" ەسكەرتىلگەن.
وڭتۇستىك كورەيا قورعانىس مينيسترلىگىنىڭ وكىلى جەكسەنبىدە سولتۇستىك كورەيانىڭ جويعىش قارۋ-جاراقتارىنىڭ جاريالانۋىنا بايلانىستى "الاڭداۋشىلىق" بىلدىرگەنىن جانە جاڭا قارۋدى ۆاشينگتونمەن بىرگە ەگجەي-تەگجەيلى تالداپ جاتقانىن مالىمدەگەن. اقش-تىڭ جوعارى لاۋازىمدى تۇلعالارىنىڭ ءبىرى NBC News-كە سولتۇستىك كورەيانىڭ قارۋ-جاراقتاردى جاريالاۋى "كوڭىل كونشىتپەيتىنىن" ايتقان.
پىكىر قالدىرۋ