الەمدەگى كەز كەلگەن ءونىمنىڭ باسەكەگە قابىلەتتىلىگى ەكى ولشەممەن انىقتالادى. تۇتىنۋشى ءۇشىن ايتاتىن بولساق، باعا مەن ساپا. ءبىزدىڭ جاعدايىمىزدا، تاۋار نارىعى يمپورتقا تولعان كەزدە، وتاندىق وندىرۋشىلەر وزدەرى وندىرەتىن ونىمدەر مەن قىزمەتتەردىڭ جوعارى ساپاسى ەسەبىنەن عانا باسەكەلەستىك ارتىقشىلىقتارعا يە بولا الادى.

وتاندىق ءونىمنىڭ ساپاسىن تۇراقتى ارتتىpyعا جوسپapلى تۇردە كوشۋىن قaزaقستaننىڭ ەAەO مەن دسۇ-عا مۇشەلىگى بويىنشا تىعىز ەكونوميكaلىق ينتeگرaسيا پروسeءسى قۇپتايدى. بۇل تۇرعىدa ەڭ پارمەندى شapaلاpدىڭ ءبىpءى – وتaندىق سaپa ستaندaرتتapىن حaلىقapaلىق تaلاپتاpعا سايكەس قaيتا قapaۋ.

ءبىزدىڭ ەلىمىز بۇل جولمەن بۇرىننان كەلە جاتىر. اتاپ ايتقاندا، 2004 جىلى قابىلدانعان، بۇرىن قولدانىستا بولعان "سەرتيفيكاتتاۋ تۋرالى" جانە "ستاندارتتاۋ تۋرالى" زاڭداردى الماستىرعان "تەحنيكالىق رەتتەۋ تۋرالى" زاڭ قازاقستاندىق ءونىم ساپاسىنىڭ وسۋىنە ەلەۋلى اسەر ەتتى. ول وسى سالاداعى ويىن ەرەجەلەرىن ناقتى انىقتادى: وعان ونىمدەر مەن قىزمەتتەردىڭ قاۋىپسىزدىگى سياقتى ۇعىمدار عانا ەمەس، سونىمەن قاتار ءوندىرىس كەزىندە وسىمدىكتەر مەن جانۋارلار الەمىن قورعاۋ، ۇلتتىق قاۋىپسىزدىكتى قامتاماسىز ەتۋ، تۇتىنۋشىلاردى ءونىمنىڭ ساپاسى مەن قاۋىپسىزدىگىنە قاتىستى اداستىرۋى مۇمكىن ارەكەتتەردىڭ الدىن aلۋ كىردى.

بۇل شارا ىشكى جانە سىرتقى نارىقتارعا ۇسىنىلاتىن قازاقستاندىق تاۋارلار مەن قىزمەتتەردىڭ ساپاسىن ارتتىرۋعا مۇمكىندىك بەرگەنىن مويىنداۋ كەرەك. ءبىراق "ويىن ەرەجەلەرى"، قولدانىستاعى ستاندارتتار ەسكىرەدى، دەمەك ولاردى ساقتاۋ ءۇشىن دە، باسەكەلەستىك ارتىقشىلىقتاردى ارتتىرۋ ءۇشىن دە تەز ارادا قايتا ادىس-تاسىلگە قايتا قاراۋ كەرەك. ونىڭ ۇستىنە، سوڭعى ونجىلدىقتىڭ جالپى الەمدىك ترەندى بارلىق ەلدەردىڭ ۇكىمەتتەرى جۇمىس ىستەپ تۇرعان وندىرىستەردى قايتا جاراقتاندىرۋعا جانە وندىرۋشىلەردى ەكولوگيالىق تازا ءونىمدى قولايلى باعامەن شىعارۋعا مۇمكىندىك بەرەتىن تەحنولوگيالار مەن يننوۆاسيالاردى ەنگىزۋگە ىنتالاندىرۋعا قابىلداعان باعىت بولدى.

قازاقستان دا وسى قاجەتتىلىكتەرمەن بەتپە-بەت كەلدى. وسىدaن ون جىل بۇرىن ەلباسى نۇرسۇلتان نازاربايەۆ وسى بaعىتتaعى شaرaلaر پاكەتىنە باستاما جاساي وتىرىپ، "قازاقستاندا جاسالعان" برەندى ساپانىڭ جوعارى بەلگىسى رەتىندە قابىلدانۋعا ءتيىس ەكەنىن ايتقان بولاتىن. پرەزيدەنت قاسىم-جومارت توقايەۆ تا وتاندىق وندىرۋشىلەر شىعاراتىن ءونىمنىڭ ساپاسىن ارتتىرۋدىڭ ماڭىزدىلىعىن ۇنەمى ايتىپ كەلەدى. اتاپ ايتقاندا، بۇل پروبلەماعا ونىڭ قازاقستان حالقىنا جولداۋىندا ەلەۋلى نازار اۋدارىلدى.

جاسالعان كۇش-جىگەر ءقازىردىڭ وزىندە ءوز جەمىسىن بەرۋدە، ءبىراق قول جەتكىزىلگەن نارسەمەن توقتاپ قالۋعا ءالى ەرتە. وسى باعىتتاعى جەدەل قوزعالىسقا ىقپال ەتەتىن قازىرگى زامانعى "جول كارتاسى" سياقتى رەسۋرستار قولعا الىنىپ جاتىر. ايتالىق، "ساپالى قازاقستان" وتاندىق ءونىمىنىڭ ساپاسىن ارتتىرۋدىڭ 2020-2025 جىلدارعا ارنالعان كەشەندى جوسپارى قابىلداندى.

بۇل قۇجاتتa حaلىقapaلىق دەڭگەيگە سايكەس كەلەتىن وتaندىق ستaندapتتapدى، تەحنيكaلىق رەگلaمەنتتەp مەن نورمaلapدى ەنگىزۋگە بaستى نaزap aۋدapىلعان. سaۋدا جانە ينتەگراسيا ءمينيسترى باقىت سۇلتانوۆ نaقتىلaعaنداي، "ستaندapتتapدى قايتa قapaۋ ءبىزدىڭ ءونىمىمىزدىڭ باسەكەگە قابىلەتتىلىگىن apتتىرۋعا جانە قازاقستاندىق تاۋارلاردىڭ سىرتقى نارىقتارعا ەركىن شىعۋىن قامتاماسىز ەتۋگە مۇمكىندىك بەرەدى". بۇل رەتتە ول ناقتى مىسالدار كەلتىردى: "مىسالى، ەگەر ءبىزدىڭ جيھاز ستاندارتى ەۋروپالىق ستاندارتقا سايكەس كەلەتىن بولسا، وندا بۇل قازاقستاندىق ورىندىق، ۇستەل نەمەسە كرەسلو ەۋروپالىق ەلدەردىڭ نارىقتارىنا قول جەتكىزە الادى. ياعني، ساپاسى بويىنشا ولار بىردەي بولادى جانە باعاسى بويىنشا عانا باسەكەلەس بولادى. ءبىراق بۇل رەتتە وسى ستاندارت قازاقستاندا دا قولدانىلادى. ياعني، قازاقستاندا بارلىق ۇستەل-ورىندىقتار جوعارى ساپالى دايىندالادى. ەگەر ءبىزدىڭ ءونىمىمىز جوعارى ساپالى، ەۋروپادا ساۋدالاناتىن جانە باسەكەگە قابىلەتتى بولسا، وندا ول، ارينە، ءبىزدىڭ ەلدە دە جوعارى ساپالى بولادى. ياعني، تەحنيكالىق رەتتەۋ سالاسىن جەتىلدىرۋ ارقىلى ءبىز ءوندىرىس پەن جالپى ساۋدانىڭ ساپالى دامۋىن ىنتالاندىرامىز".

قازاقستاندىق ءونىمنىڭ ساپاسىن ارتتىرۋعا تاياۋداعى ءۇش جىل ىشىندە 5،3 ميلليارد تەڭگە باعىتتاۋ كوزدەلۋدە. بۇل سومانىڭ جارتىسىنان ازى ءبىر جارىم مىڭ جاڭا وتاندىق ستاندارتتى ازىرلەۋگە جۇمسالادى. ولار، ساۋدا جانە ينتەگراسيا مينيسترلىگىندە اتاپ وتكەندەي، ەڭ الدىمەن قۇرىلىس، جيھاز ءوندىرىسى، جەڭىل جانە تاماق ونەركاسىبى سالالارىنا قاتىستى. بۇل "قاراپايىم زاتتار ەكونوميكاسى" باعدارلاماسى شەڭبەرىندە مەملەكەتتىك قولداۋ كورسەتىلەتىن سالالار. باعدارلامامەن بىرگە قازاقستان ستاندارتتاردى ازىرلەۋ ارقاسىندا وتاندىق ءونىمدى باسەكەگە قابىلەتتىلىكتىڭ جاڭا دەڭگەيىنە شىعارۋعا ءۇمىتتى. وسى ستاندارتتار نەگىزىندە قوسىمشا 70 ميلليارد تەڭگەدەن استام ءونىم پايدا بولادى دەپ كۇتىلۋدە.

تەك بيىلعى جىلى عانا تەحنيكالىق رەتتەۋ جانە مەترولوگيا كوميتەتى ءتوراعاسىنىڭ بۇيرىعىنا سايكەس العاش رەت 450-دەن استام ۇلتتىق ستاندارت ازىرلەنىپ، جەتىلدىرىلەتىن بولادى. ونىڭ ىشىندە "ساپالى قازاقستان" جوسپارى بويىنشا 20-دان استام، "قاراپايىم زاتتار ەكونوميكاسى" باعدارلاماسى بويىنشا 30-دان استام ءونىم بار. اتاپ ايتقاندا، بۇل العاش رەت ازىرلەنىپ جاتقان "بىلعارى"، "دانەكەرلەۋ جانە ۇقساس جۇمىستار كەزىندە پايدالانىلاتىن قورعانىش كيىم"، "وتقا ءتوزىمدى اليۋموسيليكاتتى بەتون قوسپالارى. تەحنيكالىق شارتتار" جانە ت. ب.

بۇدان باسقا، "ساپالى قازاقستان" جوسپارى وسى پروسەسكە Astana Business Campus جانە Astana Hub حالىقارالىق ستارتاپتار تەحنوپاركى سياقتى جەتەكشى عىلىمي-تەحنولوگيالىق كومپانيالاردى تارتا وتىرىپ، قازىرگى زامانعى زەرتحانالىق بازا قۇرۋدى كوزدەيدى.

قازاقستاننىڭ باسەكەگە قابىلەتتىلىك تانىتقان جاڭا دەڭگەيىنىڭ كورىنىسى وسىنداي. ەكسپورتقا شىعاتىن ءونىم سانى ارتا تۇسكەن تۇستا قازاقستان ەكونوميكاسى قازىرگىدەن الدەقايدا جاقسارادى. ۇلتتىق كودتى ەلگە تانىستىرۋ – وتاندىق ءونىمدى دامىتۋ.