ەلوردادا كارانتين شارالارى كۇشەيتىلەدى. بۇل تۋرالى قالا اكىمى التاي كولگىنوۆ مالىمدەدى.

– Covid-19 ىندەتىن جۇقتىرۋ ءقاۋپىنىڭ جوعارىلاۋى مەن ناۋقاستاردىڭ سانىنىڭ ارتۋىنا بايلانىستى قالالىق شتاب وتىرىسىندا ءبىرقاتار قوسىمشا شەكتەۋلەر قابىلداندى. كارانتيندىك شارالار ەرتەڭنەن باستاپ، ياعني 14 قازاننان باستاپ كۇشىنە ەنەدى.

بىرىنشىدەن، جەرگىلىكتى اتقارۋشى ورگان قىزمەتكەرلەرى مەن ولاردىڭ كۆازيمەملەكەتتىك سەكتورىنىڭ كەمىندە 60%-ى قاشىقتان جۇمىس رەجيمىنە اۋىسادى. ادام كوپ جينالاتىن جەكە ۇيىمدار جۇمىسشىلاردى قاشىقتان جۇمىس رەجيمىنە اۋىستىرۋى قاجەت. ىندەتتى جۇقتىرۋدىڭ نەگىزگى وشاقتارى – ۇجىمدىق (ەڭبەك) وشاقتار. جۇمىس ورىندارىندا سانيتاريا-ەپيدەميولوگيا نورمالارىنىڭ قاتاڭ ساقتالۋىن باقىلاۋ قاجەت.

ەكىنشىدەن، كافە، مەيرامحانا، بار، اسحانا جانە باسقا دا قوعامدىق تاماقتانۋ نىساندارىنىڭ جۇمىس ۋاقىتى 22 ساعاتقا دەيىن (9:00-دەن 22:00-گە دەيىن) قىسقارتىلادى. جۇمىس كۇندەرى دە، دەمالىس كۇندەرى دە. تولتىرىلۋى 30 ورىننان ارتىق ەمەس.

نوتاريۋستاردىڭ، ادۆوكاتتىق كەڭسەلەردىڭ، بۋحگالتەرلەردىڭ، كونسالتينگتىڭ، جىلجىمايتىن مۇلىك اگەنتتىكتەرىنىڭ، جارناما اگەنتتىكتەرىنىڭ، سوت ورىنداۋشىلارىنىڭ، تۋروپەراتورلاردىڭ جانە ت.ب. جۇمىس كەستەسى ساعات 18-گە دەيىن (9:00-دەن 18:00-گە دەيىن). جۇمىس كۇندەرى دە، دەمالىس كۇندەرى دە.

ازىق-تۇلىك ەمەس تاۋارلار مەن زاتتاردى ساتاتىن بۋتيكتەرگە تەك جۇمىس كۇندەرى 18 ساعاتقا دەيىن جۇمىس جاساۋ رۇقسات ەتىلەدى.

مونشا، باسسەينمەن قامتىلعان ساۋنالاردىڭ جۇمىس كەستەسى: جۇمىس كۇندەرى 8:00-دەن 21:00-گە دەيىن، سەنبى جانە جەكسەنبى كۇندەرى 9:00-دەن 19:00-گە دەيىن. الدىن-الا جازىلۋ مىندەتتى.

جەكسەنبىدە قوعامدىق كولىكتىڭ جۇمىسى توقتاتىلادى. اۆتوبۋستار دەزينفەكسيالانادى.

ءۇشىنشى. پوليسيا دەپارتامەنتى سانيتارلىق دارىگەرلەرمەن بىرلەسە كۇندەلىكتى رەيدتەر جۇرگىزىپ، سانيتاريا نورمالارىن ۇستانۋ بويىنشا زاڭبۇزۋشىلىق فاكتىلەرىن انىقتاۋ جۇمىسىن كۇشەيتۋى قاجەت.

رەيدتەر كوپتەگەن نىسانداردىڭ سانيتاريا-ەپيدەميولوگيا نورمالارىن قاتاڭ ساقتالماي جاتقاندىعىن كورسەتىپ وتىر. ۇيىمدار ەپيدەميالىق تالاپتاردى بىرنەشە رەت بۇزعان فاكتىلەر بولدى. مۇنداي رەسيديۆيستەردىڭ قىزمەتى توقتاتىلادى، – دەدى التاي كولگىنوۆ.