پرەزيدەنت ق.توقايەۆ قىرعىزستانداعى جاعدايدىڭ قۇقىقتىق الاڭعا ورالا باستاعانى قۋانتقانى تۋرالى مالىمدەدى.
"پرەزيدەنت س.جەەنبەكوۆ – مەملەكەتتىڭ لەگيتيمدى باسشىسى. سوندىقتان ونىڭ قاقتىعىستاردى توقتاتىپ، ەلدەگى احۋالدى قالىپقا كەلتىرۋگە باعىتتالعان ارەكەتتەرىن قولدايمىن. قازاقستان ءۇشىن قىرعىزستانداعى تۇراقتىلىق ستراتەگيالىق سەرىكتەس ءارى وداقتاس رەتىندە ماڭىزدى. باۋىرلاس قىرعىز ەلىندەگى جاعدايدىڭ بىرتىندەپ كونستيتۋسيالىق جولعا قايتقانى قۋانتادى. ءبىز بارلىق ساياسي كۇشتەردى قاقتىعىستاردىڭ العاشقى ساتىنەن اق سابىرعا شاقىردىق" دەلىنگەن توقايەۆتىڭ twitter-دەگى جازباسىندا.
قىرعىزستاندا پارلامەنت سايلاۋى ناتيجەسىمەن كەلىسپەگەن نارازى توپ ميتينگىسى قاقتىعىسقا ۇلاسىپ، ەلدە تارتىپسىزدىك ورناعان. ەلدەگى بيزنەس-قاۋىمداستىق ۇلتتىق اليانسى قىرعىزستانداعى ساياسي تۇراقسىزدىقتىڭ سالدارىنان 104 ميلليون دوللار شىعىن كەلگەنىن حابارلادى.
ءقازىر ەلدە جاعداي تۇراقتالا باستادى.
قىرعىزستان پرەزيدەنتى سوورونباي جەەنبەكوۆ جاپپاي تارتىپسىزدىكتەردەن تۋىنداعان زورلىق-زومبىلىققا جانە ادامداردىڭ ءومىرى مەن دەنساۋلىعىنا ءقاۋىپ تونۋىنە بايلانىستى بىشكەك اۋماعىندا 2020 جىلعى 12 قازاننان باستاپ 19 قازانعا دەيىن توتەنشە جاعداي رەجيمىن ەنگىزۋ تۋرالى جارلىققا قول قويدى.
پىكىر قالدىرۋ