«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەكتىڭ قوستاناي وبلىسىنا جۇمىس ساپارى جالعاسۋدا. ساپار بارىسىندا ول قوعام بەلسەندىلەرىمەن جانە پرايمەريز قاتىسۋشىلارىمەن كەزدەسىپ، «Nur Otan» پارتياسىنىڭ تاياۋداعى 5 جىلعا ارنالعان وڭىرلىك سايلاۋالدى باعدارلاماسىنىڭ جوباسىن تالقىلادى.

«ەلباسى، پارتيا ليدەرى ن.ءا.نازاربايەۆتىڭ تاپسىرماسىمەن پارتياىشىلىك سايلاۋ وتكىزۋ كەزىندە ەلىمىز بويىنشا ازاماتتاردان 20 مىڭنان استام ۇسىنىس جينالدى. ولاردىڭ مىڭنان استامى قوستاناي وبلىسىنىڭ تۇرعىندارىنان ءتۇستى.

تالداۋ كورسەتكەندەي، ادامدار نەگىزىنەن اۋىل ىشىندەگى جولداردىڭ ساپاسى، سۋمەن جانە گازبەن قامتۋ، تۇرعىن ءۇي مەن ءبىلىم بەرۋ نىساندارىن سالۋ، اۋىلدىق مەكتەپتەردە كومپيۋتەر تەحنيكالارىن جاڭارتۋ ماسەلەلەرىن كوتەرۋدە. تۇرعىنداردىڭ اۋىلداعى ينتەرنەتتىڭ جىلدامدىعىنا دا كوڭىلدەرى تولماي وتىر. كوتەرىلىپ وتىرعان ماسەلەلەردىڭ وزەكتىلىگىن ەسكەرىپ، ولاردى وبلىستىق سايلاۋالدى باعدارلاماعا مىندەتتى تۇردە قوسۋ قاجەتتىگى جايىندا پىكىرىمدى ايتتىم.

ءوڭىر حالقىنىڭ ۇشتەن ءبىرى اۋىلدىق جەردە تۇراتىندىقتان، پارتيانىڭ قوستاناي وبلىسى بويىنشا سايلاۋالدى باعدارلاماسى اۋىل شارۋاشىلىعىن ايتارلىقتاي قولداۋ شارالارىن كوزدەيدى. اتاپ ايتقاندا، تاياۋداعى 5 جىلدا وبلىستا ەگىس القاپتارىنىڭ قۇرىلىمىن ءارتاراپتاندىرۋدى قامتاماسىز ەتۋ، جاڭا سۋارمالى جەرلەردى اينالىمعا ەنگىزۋ، تەحنيكانى جاڭارتۋ، سونداي-اق وڭدەۋشى اۋىل شارۋاشىلىق كاسىپورىندارىن ىسكە قوسۋ جانە جاڭعىرتۋ جوسپارلانۋدا.

مەملەكەت باسشىسى ق.ك. توقايەۆ ەل حالقىنا جولداۋىندا دامىعان اۋىل شارۋاشىلىعىنسىز باسەكەگە قابىلەتتى ەكونوميكا قۇرۋ مۇمكىن ەمەستىگىن اتاپ ءوتتى. وسىعان بايلانىستى ءوڭىردى تابيعي سۇتپەن جانە جوعارى ساپالى اشىتقان ءسۇت ونىمدەرىمەن قامتاماسىز ەتىپ وتىرعان «ولجا سادچيكوۆسكوە» اۋىل شارۋاشىلىعى كاسىپورنىنىڭ قىزمەتىمەن تانىستىم. بۇل كاسىپورىن – 320 ادامدى تۇراقتى جۇمىس ورنىمەن قامتاماسىز ەتىپ وتىرعان وڭىردەگى دامىعان جوعارى تەحنولوگيالى وندىرۋشىلەردىڭ ءبىرى»، - دەپ جازدى باۋىرجان بايبەك Facebook جەلىسىندەگى پاراقشاسىندا.

پارتيا ءتوراعاسىنىڭ ءبىرىنشى ورىنباسارى كاسىپورىن قىزمەتكەرلەرىمەن سۇحباتتاسىپ، ولاردىڭ ءبىرقاتار ءوتىنىشىن باقىلاۋعا الدى. مىسالى، سادچيكوۆكا اۋىلىنىڭ تۇرعىنى تامارا كيسيليەۆا وسى ەلدىمەكەندەگى جالپى ۇزىندىعى 6 كم بولاتىن ەكى ورتالىق كوشەگە جوندەۋ جۇرگىزۋدى ءوتىندى. بۇل كوشەلەردىڭ بويىندا 1350-دەي تۇرعىن بار.

جۇمىس ساپارىنىڭ سوڭىندا باۋىرجان بايبەك قوستاناي قالاسىنداعى جاڭا ءمودۋلدى ينفەكسيالىق اۋرۋحانامەن تانىستى. ءوڭىردىڭ مەديسينا قىزمەتكەرلەرىمەن بىرگە دەنساۋلىق ساقتاۋ ۇيىمدارىنىڭ كوروناۆيرۋس پاندەمياسىنىڭ تۋىنداۋى مۇمكىن ەكىنشى تولقىنىنا دايىندىعى جايىن تالقىلادى