سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين پاندەميا كەزىندە وقىتۋدى سيفرلاندىرۋ دۇرىس جۇزەگە اسپاي جاتقانىن ايتتى. بۇل تۋرالى ول پارلامەنت سەناتىنىڭ ۇكىمەت ساعاتىندا حابارلادى.

– كورونوۆيرۋس پاندەمياسى كەزىندە ءبىلىم بەرۋ مەكەمەلەرى قاشىقتان وقىتۋدىڭ قيىن جاعدايىن قابىلداۋعا ءماجبۇر بولدى. ءبىراق بۇل ماسەلە باسەكەلەستىك ىشىندە شەشىلۋى ءتيىس. ءبىلىم بەرۋ مينيسترلىگى وسىنداي شەشىمگە كەلدى. ءبىز ونى قولدايمىز. تۇتاس ءبىر اقپاراتتىق جۇيە جاساماي، بەسەكەلەس رەتىندە بۇگىن ۇلكەن-كىشىسى بار 13 پلاتفورما جۇمىس ىستەپ كەلە جاتىر. قاي پلاتفورما نارىقتا جاقسى قىزمەت كورسەتسە، سولاردى پايدالانۋعا بەرەمىز، – دەدى ول.

مينيستر مۇعالىمدەردىڭ ۆيدەوساباقتارى سيفرلىق كونتەنتكە جاتپايتىنىن اتاپ ايتتى.

– سيفرلى كونتەنتتى دامىتۋ قاجەت. اتاپ ايتقاندا، سيفرلىق وقۋلىقتارعا كوشۋ قاجەت. بۇگىنگى تاڭدا 13 ءبىلىم بەرۋ پلاتفورماسى ازىرلەنىپ، جۇمىس ىستەپ جاتىر. ءبىراق سيفرلىق كونتەنت تەك قانا ۆيدەو تۇرىندە بەرىلىپ جاتىر. مۇعالىمدەردىڭ ۆيدەوسىن ءتۇسىرىپ الىپ، سول ۆيدەوروليكتەردى سيفرلىق كونتەنت رەتىندە بەرىپ جاتىرمىز. ءبىراق بۇل دۇرىس ەمەستىگىن بىلەمىز. سول سيفرلىق كونتەنتكە ءوزىمىزدىڭ بار كۇش-جىگەرىمىزدى سالىپ، كەلەسى جىلدارى گيميفيكاسيانى، باسقا دا تاسىلدەردى پايدالانىپ، سيفرلىق كونتەنتتى دامىتاتىن بولامىز، – دەدى مينيستر.