دارىگەرلەردىڭ جالاقىسى 2025 جىلعا دەيىن 550 مىڭ تەڭگەگە دەيىن وسەدى. بۇل تۋرالى رەسپۋبليكالىق دەنساۋلىق ساقتاۋدى دامىتۋ ورتالىعىنىڭ باس ديرەكتورى قانات توسەكبايەۆ ونلاين بريفينگتە حابارلادى.

– مەملەكەتتىك دەنساۋلىق ساقتاۋ باعدارلاماسى بويىنشا 2023-2025 جىلدارى دارىگەرلەردىڭ جىل سايىن جالاقىسىن ءوسىرۋ قاراستىرىلعان. ەگەر ولاردىڭ ورتاشا ايلىعى 98 مىڭ تەڭگە بولاتىن بولسا، 2023 جىلعا قاراي ورتاشا جالاقىلارى 253 مىڭعا دەيىن جەتەدى، – دەدى ول.

رەسپۋبليكالىق ورتالىقتىڭ ديرەكتورى 2025 جىلعا قاراي دارىگەردىڭ ورتاشا جالاقىسى 550 مىڭ تەڭگەگە دەيىن جەتەتىنىن ايتتى.

– دەنساۋلىق ساقتاۋدى دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىندا جالاقىنى ءوسىرۋ جايى قاراستىرىلعان. ال 2025 جىلعا قاراي دارىگەرلەردىڭ ورتاشا جالاقىسى 550 مىڭ تەڭگەگە دەيىن جەتەتىن بولادى، – دەپ اتاپ ايتتى توسەكبايەۆ..