الماتىدا Kaspi بانكتىڭ بولىمشەسىنە الاياقتار شابۋىل جاسادى. بولعان وقيعانىڭ بەينەجازباسى الەۋمەتتىك جەلىدە جاريالاندى.
بانك باسپا ءسوز قىزمەتىنىڭ حابارلاۋىنشا، وقيعا قازاننىڭ 15ء-ى كۇنى الماتى قالاسىنداعى سەيفۋللين-گوگول كوشەلەرى قيىلىسىنداعى كەڭسەدە بولعان. بەتپەردە كيگەن ەكى ادام بانك بولىمشەسىنە كەشكە قاراي باسا كوكتەپ كىرىپ، 2 ملن تەڭگەنى ۇرلاعانى انىقتالدى.
بەينەجازبادا ەكى قاراقشى بانك فيليالىنا باسا كوكتەپ كىرىپ، ءبىرى اينەكتى سىندىرىپ، كاسساعا ءتۇسىپ، اقشانى قالاي الىپ جاتقانى كورسەتىلگەن.
بولعان جاعدايعا بانك بولىمشەسى تۇسىنىكتەمە بەردى.
"ابىروي بولعاندا قىزمەتكەرلەردىڭ اراسىندا ەشكىم زارداپ شەككەن جوق. دابىل باتىراماسى باسىلعاننان كەيىن پوليسيا بىردەن كەلدى" دەلىنگەن حابارلامادا.
قازىرگى ۋاقىتتا اتالعان فاكت بويىنشا قىلمىستىق كودەكستىڭ 192-بابى 3-بولىگىنە (توناۋ) سايكەس سوتقا دەيىنگى تەرگەۋ باستالدى. تەرگەۋ بارىسى الماتى قالاسىنىڭ پوليسيا دەپارتامەنتى باسشىلىعىنىڭ باقىلاۋىندا.
پوسموترەت ەتۋ پۋبليكاسيۋ ۆ Instagramدەرزكوە وگرابلەنيە بانكا ۆ الماتى پوپالو نا ۆيدەو. ... #الماتى #almaty #وگرابلەنيەبانكا
پىكىر قالدىرۋ