الماتى قالاسىنىڭ باس دارىگەرى كامالجان نادىروۆ قىزمەتىنەن كەتتى. بۇل تۋرالى قالالىق اكىمدىكتىڭ باسپا ءسوز قىزمەتى حابارلادى.
"كامالجان نادىروۆ اعىمداعى ماۋسىم ايىنان باستاپ الماتىنىڭ قوعامدىق دەنساۋلىق باسقارماسىنىڭ باسشىسى لاۋازىمىندا بولدى. ءوزىنىڭ جەكە ءوتىنىشى بويىنشا ك. نادىروۆ بۇل قىزمەتتەن بوساتىلدى" دەلىنگەن اقپاراتتىق حابارلامادا.
نادىروۆ 1983 جىلى الماتى قالاسىندا دۇنيەگە كەلگەن. س. اسفەندياروۆ اتىنداعى قازاق مەملەكەتتىك مەديسينالىق ۋنيۆەرسيتەتىن، تۇران ۋنيۆەرسيتەتىن، قوعامدىق دەنساۋلىق ساقتاۋدىڭ جوعارى مەكتەبىن ءتامامداعان.
2007–2014 جىلدارى ب.و. جاربوسىنوۆ اتىنداعى ۋرولوگيا عىلىمي ورتالىعىندا كلينيكالىق ورديناتور، ءبولىم مەڭگەرۋشىسى، باس ديرەكتوردىڭ ورىنباسارى قىزمەتتەرىن اتقارعان.
پىكىر قالدىرۋ