ءبىلىم جانە عىلىم ءمينيسترى اسحات ايماعامبەتوۆ جوعارى وقۋ ورىندارى وقىتۋشىلارى جالاقىسىنىڭ كوتەرىلۋى تۋرالى مينيسترلىكتىڭ اپپارات جينالىسىندا ايتتى.
– جوعارى وقۋ ورىندارى وقىتۋشىلارىنىڭ جالاقىسىن كوتەرۋ ماسەلەسىن مۇنىڭ الدىندا قاراستىرعان بولاتىنبىز. جالاقىنىڭ ءوسۋى وتە ماڭىزدى. جالاقىنىڭ ءوسۋى رەكتورلار نەمەسە مينيسترلەردىڭ الدە مينيسترلىكتىڭ جۇمىس ناتيجەسى ەمەس. ءبىز سونى دۇرىستاپ ءتۇسىندىرۋىمىز كەرەك. بۇل مەملەكەت باسشىسىنىڭ بەرگەن تاپسىرماسىنىڭ اراسىندا مۇمكىن بولىپ وتىر. ءبىز كوبىنەسە وسى ماسەلەنى دۇرىستاپ جەتكىزبەيمىز، – دەدى اسحات ايماعامبەتوۆ.
ءمينيستردىڭ ايتۋىنشا، جالاقىنىڭ ءوسۋى – تىكەلەي پرەزيدەنتتىڭ تاپسىرماسى.
– سوندىقتان دۇرىس اقپارات بەرۋ وتە ماڭىزدى. كوبىنەسە وسى اقپارات ءبىزدىڭ ارىپتەستەرىمىزگە جەتپەيدى. تاعى دا قايتالاپ ايتامىن، جالاقىنىڭ ءوسۋى بۇل - پرەزيدەنتتىڭ تاپسىرماسى. ول رەكتوردىڭ الدە مينيسترلىكتىڭ ارقاسىندا بولعان شارۋا ەمەس. وسىنى دۇرىس قابىلداپ، دۇرىس جەتكىزۋ كەرەك، - دەدى ول.
پىكىر قالدىرۋ