جەزقازعاندا 19 قازان كۇنى توي جاساعاندار مەن مەيرامحانا يەسى جازالانادى، دەپ حابارلادى Tengrinews.kz سايتى.
سايت مالىمەتىنشە، 19 قازاندا جەزقازعاندا قازاقستاندىق ءانشى قۋاندىق راحىمنىڭ ۇيلەنۋ تويى تۋرالى مالىمەت تارادى. شاراعا ءانشى مەن ونىڭ قالىڭدىعىنىڭ جاقىندارى عانا ەمەس، ارىپتەستەرى دە كەلگەن. ولاردىڭ قاتارىندا تورەعالي تورەالى، ديدار قامييەۆ، نۇربولات ابدۋللين جانە باسقالارى بار.
قاراعاندى وبلىسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسپا ءسوز قىزمەتىنىڭ رەسمي وكىلى ايگۇل شاتەكوۆا تويدىڭ يەسى مەن مەيرامحانا يەسى جازاعا تارتىلاتىنىن ايتتى.
– جەزقازعان قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسى 19 قازاندا "ۇلىتاۋ" مەيرامحاناسىندا جۇزگە جۋىق ادام قاتىسقان ۇيلەنۋ تويى وتكەنىن حابارلايدى. ماتەريال جەزقازعان قالاسىنىڭ پوليسيا باسقارماسىنىڭ ەسەپ كىتاپشاسىنا تىركەلگەن. جەكە كاسىپكەرىك يەسى مەن ءىس-شارانىڭ يەسى جاۋاپكەرشىلىككە تارتىلادى، – دەدى ول.
