Forbes جۋرنالى قۇراستىرعان قازاقستاننىڭ ەڭ باي بيزنەسمەندەرىنىڭ تىزىمىنە تۇڭعىش پرەزيدەنت نۇرسۇلتان نازاربايەۆتىڭ ءۇش تۋىسى كىردى. ولار – ونىڭ قىزى دينارا قۇلىبايەۆا، كۇيەۋ بالاسى تيمۋر قۇلىبايەۆ جانە نەمەرەسى ءنۇرالى الييەۆ، دەپ حابارلادى EADaily سايتى.

قۇلىبايەۆتار جۇبى ءتىزىمنىڭ جوعارعى جاعىندا ورنالاسقان، Kaz Minerals PLC كومپانياسىنىڭ ءىرى اكسيونەرى ۆلاديمير كيمنەن كەيىنگى ورىندا تۇر. تيمۋر مەن دينارا قۇلىبايەۆتار ءارتاراپتاندىرىلعان بيزنەسكە يە، ونىڭ ىشىندە ەلدەگى ەڭ ءىرى بانك تە بار ("حالىق بانك). ەرلى-زايىپتىلاردىڭ ءارقايسىسىنىڭ بايلىعى 2،9 ميلليارد دوللارعا باعالانعان. ولار تىزىمدەگى ەكىنشى جانە ءۇشىنشى ورىنداردى يەلەنىپ تۇر.

ۇلت كوشباسشىسىنىڭ نەمەرەسى 35 جاستاعى ءنۇرالى الييەۆ رەيتينگ بويىنشا 19-شى ورىنعا تابان تىرەدى، ونىڭ بايلىعى 269 ميلليون دوللارعا باعالاندى. الييەۆ "Capital Holding" ينۆەستيسيالىق ج ش س يەلەنەدى، "ترانستەلەكوم" اق اكسيونەرى جانە ديرەكتورلار كەڭەسىنىڭ ءتوراعاسى، سونداي-اق Darmen Holding جانە nd Capital ۆەنچۋرلىق قورىنىڭ اكسيونەرى.

ءنۇرالى الييەۆ – ەكس-پرەزيدەنتتىڭ تۇڭعىش قىزى داريعا نازاربايەۆانىڭ جانە قازاقستاننىڭ اۆسترياداعى بۇرىنعى ەلشىسى مارقۇم راحات الييەۆتىڭ ۇلى. وسى جىلى الييەۆ قاسىرەتتى تراگەديانى باستان وتكەردى، ونىڭ ءىنىسى ايسۇلتان راحات قايتىس بولدى.