دەنساۋلىق ساقتاۋ مينيسترلىگىڭ سانيتاريالىق-ەپيدەميولوگيالىق باقىلاۋ كوميتەتى سايتىندا باس مەملەكەتتىك سانيتار دارىگەر ەرلان قياسوۆتىڭ جاڭا قاۋلىسى جاريالاندى.

قۇجات قازاقستاننىڭ مەملەكەتتىك شەكاراسىنداعى وتكىزۋ پۋنكتتەرىندە كوروناۆيرۋس ينفەكسياسىنىڭ الدىن الۋ جونىندەگى شارالاردى ودان ءارى كۇشەيتۋگە قاتىستى بولىپ وتىر.

قاۋلىعا سايكەس:

1. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، دەنساۋلىق ساقتاۋ باسقارمالارىنىڭ باسشىلارى، ورتالىق مەملەكەتتىك ورگاندار، كولىكتەگى سانيتاريالىق-ەپيدەميولوگيالىق باقىلاۋ دەپارتامەنتى:

1) قازاقستان رەسپۋبليكاسىنا شەتەلدەن اۆيارەيستەرمەن كەلەتىن ادامدارعا قاتىستى ءىس-شارالاردى مىناداي تارتىپپەن جۇرگىزۋدى قامتاماسىز ەتسىن:

ولاردى ەرتىپ جۇرەتىن ادامداردا پتر ادىسىمەن COVID-19-عا تەستتەن وتكەنى تۋرالى انىقتاما بولعان كەزدە 5 جاسقا دەيىنگى بالالاردى، قازاقستان رەسپۋبليكاسىنىڭ ۇكىمەتتىك دەلەگاسيالارىن؛ ق ر سىرتقى ىستەر مينيسترلىگىنىڭ شاقىرۋى بويىنشا قازاقستانعا كەلەتىن شەت مەملەكەتتەردىڭ جانە حالىقارالىق ۇيىمداردىڭ رەسمي دەلەگاسيالارىنىڭ مۇشەلەرىن؛ قازاقستاندا اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرى مەن ولاردىڭ وتباسى مۇشەلەرىن؛ اۆياكومپانيالار ەكيپاجدارىن قوسپاعاندا، قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن بارلىق كەلەتىندەر كەم دەگەندە 3 تاۋلىك بۇرىن الىنعان انىقتامانى ۇسىنۋ قاجەت.

"قازاقستان رەسپۋبليكاسىنىڭ ۇكىمەتتىك دەلەگاسيالارىن؛ ق ر سىرتقى ىستەر مينيسترلىگىنىڭ شاقىرۋى بويىنشا قازاقستانعا كەلەتىن شەت مەملەكەتتەردىڭ جانە حالىقارالىق ۇيىمداردىڭ رەسمي دەلەگاسيالارىنىڭ مۇشەلەرىن؛ قازاقستاندا اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرى مەن ولاردىڭ وتباسى مۇشەلەرىن؛ اۆياكومپانيالار ەكيپاجدارىن قوسپاعاندا، قازاقستانعا شەتەلدەن حالىقارالىق جولاۋشىلار اۆيارەيستەرىمەن كەلگەن ادامدارعا قاتىستى شەكتەۋ شارالارى وسى قاۋلىعا 1-قوسىمشاعا سايكەس جۇرگىزىلەدى" دەلىنگەن قۇجاتتا.

سونىمەن قاتار، حالىقارالىق ترانزيتپەن جۇرەتىن جولاۋشىلار ترانزيتتىك ايماقتان شىقپايدى جانە سوڭعى مەجەلى پۋنكتتە شەكتەۋ شارالارىن جۇرگىزۋگە جاتادى؛

قازاقستانعا شەتەلدەن كەلەتىن ەلىمىزدە اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرى مەن ولاردىڭ وتباسى مۇشەلەرى بولاتىن/تۇراتىن جەرى بويىنشا COVID-19-عا زەرتحانالىق زەرتتەپ-قاراۋعا جاتادى. ولارعا وسى قاۋلىعا 3-قوسىمشاعا سايكەس ءتيىستى قولحات الىنا وتىرىپ، CوVID-19-دىڭ ىقتيمال سيمپتومدارى تۋرالى ءتۇسىندىرۋ جۇرگىزىلەدى.

مۇنىمەن قوسا، قاۋلىدا قازاقستانعا ق ر مەملەكەتتىك شەكاراسى ارقىلى وتكىزۋ پۋنكتتەرىنەن تەمىرجول، تەڭىز، وزەن كولىگىندە جانە اۆتووتپە جولدارىندا كەلەتىن ادامدارعا قاتىستى ءىس-شارالاردى ءتيىستى تارتىپپەن جۇرگىزۋ قامتاماسىز ەتىلمەك. اۋە كومپانيالارى باسشىلارىنا ءتيىستى شارالاردى قامتاماسىز ەتۋ تاپسىرىلدى:

1) انىقتاما بولماعان جاعدايدا ق ر ازاماتتارى بولىپ تابىلمايتىن جولاۋشىلاردى اۋە كەمەسىنىڭ بورتىنا وتىرعىزۋعا جىبەرمەۋدى؛

2) ۇشۋ كەزىندە جولاۋشىلار مەن ەكيپاجعا ساۋالناما جۇرگىزۋدى، ونىڭ ىشىندە تولىق تولتىرىلعانىن تەكسەرۋدى، تولىق تولتىرىلماعان جاعدايلاردا قوسىمشا ساۋالناما جۇرگىزۋدى؛

3) تولتىرىلعان ساۋالنامالاردى، مانيفەستتى جانە اۋە كەمەسىنىڭ باس دەكلاراسياسىن ۇشىپ كەلەتىن اۋەجايداعى سانيتاريالىق-كارانتيندىك پۋنكتتىڭ مامانىنا تەز ارادا بەرۋدى؛

4) تىركەۋدەن ءوتۋ، اۋە كەمەسىنە وتىرعىزۋ جانە ودان ءتۇسىرۋ كەزىندە جولاۋشىلار اراسىندا ءقاۋىپسىز قاشىقتىقتى (كەمىندە 1 مەتر) جانە ماسكا رەجيمىن ساقتاۋدى؛

5) اۋە كەمەسىنىڭ بورتىندا جەكە قورعانىش قۇرالدارىنىڭ (ماسكالار، قولعاپتار)، قولعا ارنالعان انتيسەپتيكتەردىڭ، دەزينفەكسيالاۋ قۇرالدارىنىڭ بولۋىن؛

6) ۇشۋ كەزىندە اۋە كەمەسىنىڭ سالونىندا جولاۋشىلاردىڭ قوزعالىسىن، سونداي-اق دارەتحانانىڭ جانىندا جينالۋىن شەكتەۋدى؛

7) قىزمەتكەرلەردى جۇمىسقا جەكە قورعانىش قۇرالدارى (مەديسينالىق ماسكالار، قولعاپتار) بولعان كەزدە جىبەرۋدى؛

8) دەنە تەمپەراتۋراسىن ولشەي وتىرىپ، قىزمەتكەرلەردى اۋىسىم الدىنداعى (ۇشۋ الدىنداعى) مەديسينالىق قاراپ-تەكسەرۋدەن وتكىزۋدى؛

9) تۇراقتى حالىقارالىق اۋە قاتىناستارىن قالپىنا كەلتىرۋ الدىندا اۋە كەمەلەرىندەگى اۋا باپتاۋ، جەلدەتۋ جۇيەلەرىنە ريەۆيزيا جۇرگىزۋدى جانە سۇزگىلەردى اۋىستىرۋدى قامتاماسىز ەتسىن.