شىمكەنت قالاسى جانە قاراعاندى، اقمولا وبلىستارىندا كارانتين رەجيمى كۇشەيتىلدى. بۇل تۋرالى وبلىستاردىڭ باس سانيتار دارىگەرلەرى مالىمدەدى.
شىمكەنت قالاسىنىڭ باس سانيتار دارىگەرى ءابدىماناپ تۋلەبايەۆ كارانتيندى كۇشەيتۋگە قاتىستى قاۋلى شىعاردى.
باس سانيتار دارىگەر كارانتيندىك شەكتەۋلەردى 2020 جىلدىڭ 9 قاراشاسىنا دەيىن ۇزارتۋ تۋرالى شەشىم قابىلدادى.
قاۋلىنىڭ تولىق نۇسقاسى مىنا جەردە.
سونداي-اق اقمولا وبلىسىنىڭ مەملەكەتتىك باس سانيتار دارىگەرى ايناگۇل مۋسينا دا كارانتيندى كۇشەيتۋگە قاتىستى قاۋلى شىعاردى.
باس سانيتار دارىگەر 23:00-دەن 6:00-گە دەيىنگى ارالىقتا وبلىس اۋماعىنداعى ەلدى-مەكەن تۇرعىندارىنىڭ قوزعالىسىن شەكتەۋ تۋرالى قاۋلى شىعاردى.
اتالعان قاۋلى بويىنشا تەك اكىمدىك پەن پوليسيا، جەدەل جاردەم مەن توتەنشە جاعدايلار قىزمەتى، اۋرۋحانالار، سانيتارلىق-ەپيدەميولوگيالىق قىزمەتتەر، ءورت ءسوندىرۋ، اسكەري قىزمەتشىلەر، سونداي-اق ستراتەگيالىق نىساندار مەن تىرشىلىكتى قامتاماسىز ەتۋ نىساندارىن كۇتىپ-ۇستاۋدى قامتاماسىز ەتەتىن جۇمىسشىلار ءجۇرىپ تۇرۋىنا رۇقسات ەتىلەدى.
قاۋلىعا سايكەس:
- 65 جاستان اسقان ازاماتتاردىڭ دالاعا شىعۋىنا شەكتەۋ ەنگىزىلدى؛ تۇنگى ساعات 23:00-دەن تاڭعى 06:00-گە دەيىن كومەندانتتىق ساعات ەنگىزىلدى (ءوڭىردىڭ كوشەلەرىندە ءجۇرۋ)؛
- الەۋمەتتىك قاشىقتىقتى جانە جەكە قورعانىس قۇرالدارىن پايدالانۋ؛
- ساياباق، سكۆەرلەردە 3 ادامنان ارتىق توپ بولىپ جۇرۋگە بولمايدى؛
- جەرلەۋ ءىس-شارالارىندا كەمىندە 2 مەتر اراقاشىقتىقتى ساقتاي وتىرىپ، 30 ادامنان اسپاۋ؛
- وتباسىلىق ەستەلىكتەر، بانكەتتەر، ۇيلەنۋ تويلارى جانە ادامدار كوپ جينالاتىن شارالاردى وتكڭزۋگە تىيىم سالىنادى.
قاۋلىنىڭ تولىق ءماتىنى مىنا سىلتەمەدە.
ال قاراعاندى وبلىسىنىڭ مەملەكەتتىك باس سانيتار دارىگەرى يۋريي زالىگين كارانتين تالاپتارىنا وزگەرىستەر ەنگىزدى.
جاڭا قاۋلى بويىنشا قالاداعى ساۋدا ۇيلەرى مەن ساۋدا ورتالىقتارىنا دەمالىس كۇندەرى 17:00-گە دەيىن جۇمىس ىستەۋىنە رۇقسات ەتىلدى.
قاۋلىعا سايكەس كورىنەتىن جانە قولجەتىمدى جەرلەردە تەرى انتيسەپتيگى بار سانيتايزەرلەردى كىرەبەرىسكە، ساۋدا زالدارىنىڭ حوللدارىنا، دالىزدەرگە ءاربىر 50-100م سايىن، ليفتىلەرگە ورناتىادى.
سونداي-اق سەنبى كۇندەرى ازىق-تۇلىك جانە ازىق-تۇلىكتىك ەمەس جابىق بازارلاردىڭ جۇمىس ىستەۋىنە دە رۇقسات ەتىلەدى.
قاۋلىنىڭ تولىق ءماتىنى مىنا سىلتەمەدە.
وقي وتىرىڭىز: قازاقستاننىڭ بىرنەشە وبلىسىندا كارانتين كۇشەيتىلگەن بولاتىن
پىكىر قالدىرۋ