قازاقستاندا كوروناۆيرۋسقا شالدىققان 120 ناۋقاستىڭ جاعدايى اۋىر، دەپ حابارلادى دەنساۋلىق ساقتاۋ مينيسترلىگىنىڭ باسپا ءسوز قىزمەتى.
ۆەدومستۆونىڭ مالىمەتىنشە، قازىرگى ۋاقىتتا كوروناۆيرۋس ينفەكسياسىنان 2 964 ادام ەم قابىلداپ جاتىر. ولاردىڭ اراسىندا 245 بالا بار. ستاسيونارلاردا 2 222 ناۋقاس جاتىر. 742 ادام امبۋلاتوريالىق جاعدايدا ەمدەلىپ جاتىر.
جالپى ناۋقاستاردىڭ اراسىندا 120 ادامنىڭ احۋالى ناشار. سونىڭ ىشىندە 13 ناۋقاستىڭ احۋالى اسا قاتتى اۋىر دەپ باعالانۋدا. 14 ناۋقاس وكپەنى جاساندى جەلدەتۋ اپپاراتىنا قوسىلعان.
پىكىر قالدىرۋ