"باسپانا حيت" باعدارلاماسى بويىنشا سالىنىپ جاتقان تۇرعىن ءۇيدى نەسيە ارقىلى الۋعا بولادى. بۇل تۋرالى "قازاقستاننىڭ ورنىقتىلىق قورى" اق سىرتقى كوممۋنيكاسيالار قىزمەتى حابارلادى.
باسپا ءسوز قىزمەتىنىڭ حابارلاۋىنشا، "باسپانا حيت" باعدارلاماسىن ىسكە اسىرۋ كەزىندە ازاماتتاردىڭ وتىنىشتەرى، بانكتەر، قۇرىلىس كومپانيالارى مەن قوعامدىق بىرلەستىكتەردىڭ ۇسىنىستارى قاراستىرىلعان. ۇلتتىق بانك تۇرعىن ءۇيدىڭ قولجەتىمدىلىگىن ارتتىرۋعا جانە باستاپقى تۇرعىن ۇيگە سۇرانىستى كوبەيتۋ ماقساتىندا قاۋلىعا ءبىرقاتار تۇزەتۋلەر ەنگىزدى.
سونداي-اق جاڭا قاۋلىدا ەنگىزىلگەن وزگەرىستە "باسپانا حيت" باعدارلاماسى بويىنشا سالىنىپ جاتقان تۇرعىن ءۇيدى نەسيە ارقىلى ساتىپ الۋعا بولادى.
قاۋلىعا سايكەس:
- نۇر-سۇلتان مەن الماتى قالالارىندا باستاپقى تۇرعىن ءۇيدىڭ ەڭ جوعارى قۇنى – 35 ميلليون تەڭگە؛
- شىمكەنت قالاسىندا باستاپقى جانە قايتالاما نارىقتاردا ساتىپ الىناتىن تۇرعىن ءۇيدىڭ ەڭ جوعارى قۇنى – 25 ميلليون تەڭگە؛
- قاراعاندى قالاسىندا – 20 ميلليون تەڭگە؛
باسقا ايماقتاردا – 15 ميلليون تەڭگە. - ۇلەستىك قاتىسۋ شەڭبەرىندە سالىنىپ جاتقان تۇرعىن ءۇيدى ساتىپ الۋعا كرەديت بەرۋدى باستاۋ ءۇشىن باعدارلاما وپەراتورى سەرىكتەس بانكتەرمەن بىرگە دايىندىق جۇمىستارىن جۇرگىزۋدە.
- "باسپانا حيت" باعدارلاماسىنىڭ كليەنتتەرى قازىردەن باستاپ جاڭا شەكتى باعالارمەن يپوتەكا راسىمدەي الادى.
"باسپانا حيت" باعدارلاماسى شەڭبەرىندە 2020 جىلعى 26 قازانداعى جاعداي بويىنشا 388،1 ملرد تەڭگەگە 44 228 ءوتىنىم ماقۇلداندى، ونىڭ ىشىندە 306،8 ملرد تەڭگە سوماسىنا 35 769 قارىز بەرىلدى.
پىكىر قالدىرۋ