الماتىنىڭ مەملەكەتتىك باس سانيتار دارىگەرى جانداربەك بەكشين بۇگىننەن باستاپ قالادا كينوتەاترلاردىڭ اشىلاتىنىن مالىمدەدى. بۇل تۋرالى ول ونلاين بريفينگتە ايتتى.
– وسى جىلدىڭ 26 قازانىنان باستاپ كينوتەاترلاردىڭ قىزمەتىنە رۇقسات ەتىلدى. ول ءۇشىن Infokazakhstan.kz پورتالىندا تىركەلۋ كەرەك، كينو زالدارىنداعى ادام سانى بارلىق ورىنداردىڭ 30 پايىزىنان اسپاۋى قاجەت. ماسكا رەجيمىن، الەۋمەتتىك قاشىقتىق ساقتاۋ مىندەتتى. كينوتەاترلار قازاقستان باس سانيتار دارىگەرىنىڭ №57 قاۋلىسىنىڭ تالاپتارىن ساقتاۋعا مىندەتتى، – دەيدى بەكشين.
سونداي-اق بۇگىننەن باستاپ اتىراۋ مەن اقتاۋ قالالارىندا كينوتەاترلاردىڭ اشىلعانى حابارلانعان. ەكى قالادا كينوتەاترلارعا سانيتارلىق-ەپيدەميولوگيالىق نورمالار مەن تالاپتاردى ساقتاي وتىرىپ جۇمىس ىستەۋگە رەسمي تۇردە رۇقسات ەتىلدى.
پىكىر قالدىرۋ