27 قازان كۇنى الماتى قالاسىنداعى اقساي ىقشام اۋدانىندا ورنالاسقان تەحنيكالىق جوندەۋ ورتالىعى ورتەنگەن بولاتىن. وقىس وقي سالدارىنان 12 كولىكتىڭ جانىپ كەتكەنى بەلگىلى بولدى. بۇل تۋرالى ktk.kz حابارلادى. 

سونداي-اق تجو-دا جۇمىس ىستەيتىن ازامات جەڭىل كۇيىك جاراقاتىن العان. ءورتتى سوندىرۋگە 60 ادام مەن 13 ارنايى تەحنيكا جۇمىلدىرىلعان. 

الماتى قالالىق تجد ءورت ءسوندىرۋ قىزمەتىنىڭ باسشىسى رۋسلان قاسىبايەۆتىڭ ايتۋىنشا، دەنەسى كۇيىپ قالعان ازامات سول تەحنيكالىق جوندەۋ ورتالىعىندا جۇمىس ىستەيدى. 

– جانىپ كەتكەن 12 اۆتوكولىكتىڭ ءبىرى دە قايتا جوندەۋگە جارامايدى. مىنا نىسانعا جاپسارلاس سالىنعان اسحانا دا ورتەنىپ كەتتى. ورتەنگەن اۋماق 1000 شارشى مەتردى قۇرايدى. ءورتتىڭ ناقتى نەدەن تۇتانعانى انىقتالىپ جاتىر، – دەدى ءورت ءسوندىرۋ قىزمەتىنىڭ باسشىسى.