الماتى قالاسىندا «سالاماتتى بولاشاق» الەۋمەتتىك جوباسىنىڭ اياسىندا مۇمكىندىگى شەكەتۋلى بالالارعا ارنالعان بەيىمدىك سپورت ۇيىرمەلەرى اشىلدى.

جوبانىڭ ماقساتى — مۇمكىندىگى شەكتەۋلى بالالاردىڭ جىل بويى سپورتپەن شۇعىلدانۋىنا مۇمكىندىك جاساۋ جانە قازاقستاندا بەيىمدىك سپورت تۇرلەرىن دامىتۋ.

الماتى ارەنا كەشەنىندە بەيىمدىك ءجۇزۋ مەن «بوچچا» ۇيىرمەلەرى، «سارباز» اسكەري-پاتريوتتىق كلۋبىندا بالالار بەيىمدىك كاراتە ۇيىرمەسىنە قاتىسا الادى، ال «بەيىمدى فۋتبول» — تىرەك-قوزعالىس اپپاراتى زاقىمدالعان مۇمكىندىگى شەكتەۋلى بالالارعا ارنالعان № 2 مەكتەپ-ينتەرناتى قابىرعاسىندا ءوتىپ جاتىر.

وسى جىلى بۇل جوباعا 70-تەن اسا دامۋ ەرەكشەلىگى بار بالالار قاتىساتىن بولادى. جوبانىڭ نەگىزىن قالاۋشىلارى — «تەڭ مۇمكىندىكتەر الەمى» قوعامدىق قورى — سپورتشىلار سانى، ۇيىرمەلەر سانى كوبەيەدى دەپ سەنۋدە.

«وكىنىشكە وراي، قازاقستاندا عانا ەمەس، بۇكىل الەم بويىنشا مۇمكىندىگى شەكتەۋلى بالالار سانى ارتىپ كەلەدى. مۇمكىندىگى شەكتەۋلى ادامداردىڭ دەنە شىنىقتىرۋ مەن سپورت تۇرلەرىنە بىردەي قاتىسا الۋلارى – ەلدىڭ دامۋ دەڭگەيىنىڭ كورسەتكىشى. ءبىزدىڭ جوبامىزدىڭ العا قويعا ماقساتى، بالا كەزىنەن سپورتقا قاتىسۋ ارقىلى، „ەرەكشە“ بالالاردىڭ بولاشاقتا وتباسىن قۇرىپ، جۇمىسقا بەيىمدەلىپ، قوعامىمىزعا ۇلەس قوسۋلارىنا مۇمكىندىك بەرەتىن، بويلارىندا جەكە-دارا تۇلعالىق قاسيەتى مەن ءوز قۇندىلىعىن ارتتىرۋ»، — دەيدى «تەڭ مۇمكىندىكتەر الەمى» قوعامدىق قورىنىڭ نەگىزىن قالاۋشى نۋرگۋل ۋلجەكوۆا.

جوبا «Samruk-Kazyna Trust» الەۋمەتتىك جوبالاردى دامىتۋ قورىنىڭ كومەگىمەن جۇزەگە اسىرىلۋدا. «Samruk-Kazyna Trust» قورىنىڭ قولداۋىمەن جاتتىقتىرۋشىلاردىڭ ساناتىن جوعارىلاتۋ، ولاردىڭ ەڭبەك اقىلارى، ۇيىرمەلەردى قاجەت سپورت جابدىقتارىمەن، وقۋ قۇرالدارىمەن قامتاماسىز ەتىلىپ جاتىر.

ءدال وسىنداي ۇيىرمەلەر پاۆلودار، شىمكەنت، قاراگاندى قالالارى مەن قاراگاندى وبلىستارىندا اشىلدى. جوباعا قاتىسۋشىلار جان-جاعىنان، فيزيكالىق دامۋ تۇرعىسىندا، ويلاۋ قابىلەتى مەن سەزىم جاعىنان جاقسى ناتيجە كورسەتۋدە. جارىستارعا قاتىسىپ، قالالىق جانە حالىقارالىق جارىستاردا جۇلدەلى ورىندارعا يە بولۋدا.

«مەنىڭ ەسىمى زاۋرە، كوپ بالالى انامىن، 12 جاستاعى ەرەكشە قىزىم بار، اتى ىنكار. ينكار ەگىزدىڭ سىڭارى، ول تۋعاننان وسى دەرتكە تۋشار بولدى. بۇل بالالاردىڭ قوزعالۋ قابىلەتى شەكتەۋلى بولعانىمەن، ولاردىڭ جان دۇنيەسى شەكسىز ەمەس پە. ولاردى قوعام اعىمىنان شەت قالدىرماي،ەرەكشە بالالارعا ارنالعان بەيىمدىك سپورت ۇيىرمەلەرى اشىلىپ، سپورتپەن شۇعىلدانۋىنا جاعداي جاسالعانى وتە قاجەت ءىس شارا دەپ ويلايمىن. وسى ۇيىرمەلەرگە قاتىسۋ ارقىلى بالانىڭ ءوز وزىنە دەگەن سەنىمدىلىگى ارتىپ، ومىرگە دەگەن كوزقاراستارى وزگەرەدى، ءتىپتى بالا ءوزىن باقىتتى سەزىنەدى دەپ ويلايمىن. وسى جوبانىڭ نەگىزىن قالاۋشىسى نۋرگۋل حانىمعا، دەمەۋشى بولعان سامرۋك قازىنا قورىنا، ەرەكشە بالالارى بار اتا-انالاردىڭ اتىنان ايتار العىسىم شەكسىز.»

بۇل ۇيىرمەلەردىڭ ەرەكشەلىگى، جاتتىعۋلار توپ بويىنشا وتەدى جانە دامۋىندا اقاۋى جوق بالالار دا قاتىسا الاتىنىندا.

الماتىلىق «ەرەكشە» بالالاردىڭ جاتتىعۋلارى جاتتىقتىرۋ زالدارى مەن باسسەينگە «بوس ۋاقىتتارىن» اقىسىز ۇسىنعان، «تەڭ مۇمكىندىكتەر الەمى» قوعامدىق قورىنىڭ الەۋمەتتىك سەرىكتەستەرىنىڭ قولداۋىمەن ءوتىپ جاتىر.