18 قازان كۇنى قازاقستان بويىنشا رۋحاني كەلىسىم كۇنى اتالىپ وتەدى. بۇل مەرەكە قالا تۇرعىندارىن ۇلتى مەن دىنىنە قاراماستان بىرىكتىرۋگە، قوعامداعى تۇراقتىلىق مەن كەلىسمىدى ساقتsۋعا جانە ودان ءارى دامىتۋعا باعىتتالعان.

بۇگىن الماتى قالاسى اكىمىنىڭ ورىنباسارى ەرجان باباقۇماروۆ قالالىق ءدىني بىرلەستىكتەر كوشباسشىلارى كلۋبىنىڭ مۇشەلەرىمەن كەزدەسۋ وتكىزدى. اتالعان شاراعا قازاقستان مۇسىلماندارى ءدىني باسقارماسىنىڭ، ورىس پراۆوسلاۆتىق شىركەۋىنىڭ، ريمدىك-كاتوليكتىك شىركەۋىنىڭ، ەۆانگەلشىل-حريستيان باپتيستتەردىڭ وكىلدەرى جانە ت. ب. قاتىستى.

كەزدەسۋ بارىسىندا رۋحاني كەلىسىم سالاسىنداعى ءوزارا بايلانىس، تولەرانتتىلىق پەن ءداستۇرلى قۇندىلىقتار ماسەلەسى، سونداي-اق دەسترۋكتيۆتى ءدىني يدەولوگيانىڭ تارالۋىنا جول بەرمەۋ ماقساتىندا تۇرعىندارمەن كەرى بايلانىستى كۇشەيتۋ ماسەلەلەرى تالقىلاندى. سونىمەن قاتار، ءالى ءقاۋپى سەيىلمەگەن پاندەميا كەزىندەگى حالىقتىڭ اۋىزبىرشىلىكتە بولۋىنا جەكە توقتالىپ ءوتتى.

ءوز كەزەگىندە، كلۋب مۇشەلەرى رۋحاني كەلىسىم كۇنىنىڭ ەرەكشە ماڭىزدىلىعىن اتاپ وتە وتىرىپ، ءدىني بىرلەستىكتەردىڭ بۇدان ءارى جۇمىسىنا بايلانىستى ءوز ۇسىنىستارىن جەتكىزدى.

اتاپ ايتقاندا، قالانىڭ باس يمامى ەركىنبەك شوقاي، ۆوزنەسەندىك كافەدرالدىق سوبوردىڭ كليۋچارى الەكساندر سۋۆوروۆ جانە الماتىداعى قاسيەتتى ۇشتىك ەپارحياسىنىڭ باس ۆيكارييى بەدنارسكي يان بوگۋميل قاتىسۋشىلاردى مەرەكەمەن قۇتتىقتاپ، ءبىرقاتار ۇسىنىستارىن ءبىلدىردى.

شارا بارىسىندا ەرجان باباقۇماروۆ قالانىڭ قوعامدىق ومىرىنە بەلسەنە ارالاسقان كلۋبتىڭ ءبىرقاتار مۇشەلەرىنە ۇتتىقاي وتىرىپ، قالا اكىمى باقىتجان ساعىنتايەۆتىڭ اتىنان العىس حاتتار تابىستادى.

انىقتاما: الماتى قالاسى ءدىن ىستەرى جونىندەگى باسقارماسىنىڭ جانىنداعى ەرىكتى كونسۋلتاتيۆتىك-كەڭەسشى ورگان بولىپ تابىلاتىن كلۋب ءوز قىزمەتىن 2017 جىلدان باستاپ اتقارۋدا جانە قۇرامىنا 30 جۋىق ءار ءتۇرلى ءدىني بىرلەستىكتەردى بىرىكتىرەدى. كلۋبتىڭ ماقساتى ءدىن سالاسىنداعى وزەكتى ماسەلەلەردى تالقىلاۋ بولىپ تابىلادى. سونداي-اق، كلۋب مۇشەلەرى قازاقستان حالقى اسسامبلەياسىنىڭ جۇمىسىنا قاتىسا الادى جانە ءدىني سەنىم بوستاندىعى سالاسىنداعى زاڭنامانى جەتىلدىرۋ بويىنشا ۇسىنىس ەنگىزە الادى.