UFC-گە شىققان العاشقى قازاق (رەسەي ازاماتى) دامير يسماعۇلوۆ حابيب نۋرماگومەدوۆتىڭ سپورتتىق مانسابىن اياقتاۋ تۋرالى شەشىمىنە پىكىر ءبىلدىردى. ونىڭ ايتۋىنشا، ءحابيبتى اقشامەن نەمەسە PR-مەن قايتارۋ قيىن.
– UFC چەمپيونى حابيب نۋرماگومەدوۆ وسى سپورتتا قولدان كەلگەننىڭ ءبارىن جاسادى، ونىڭ رەكوردىن جاڭارتۋ قيىن بولادى. حابيب ءوزىن تاريحتا كەرەمەت سپورتشى رەتىندە جازدى، مانسابىن وسىنداي ادەمى نوتادا اياقتادى. ءبىز ودان تەك ۇلگى الامىز، – دەدى د.يسماعۋلوۆ.
حابيب نۋرماگومەدوۆ مانسابىن اياقتاۋ تۋرالى شەشىمىن امەريكالىق دجاستين گەتحەمەن جەكپە-جەكتە جەڭىسكە جەتكەننەن كەيىن جاريالاعان. بۇل جەكپە-جەك 24 قازاننان 25 قازانعا قاراعان ءتۇنى ابۋ-دابيدە وتكەن UFC 254 ءتۋرنيرىنىڭ باستى وقيعاسى بولدى.
كارەراسىن 29-0 ەسەبىمەن اياقتاعان رەسەيلىك فايتەردىڭ جەڭىسىنەن كەيىن نۋرماگومەدوۆتىڭ حەيتەرلەرى ءتۇرلى اڭگىمە تاراتىپ جاتىر. ءبىرى جەكپە-جەكتىڭ ساتىپ الىنعانى تۋرالى ايتسا، ەندى ءبىرى حابيب توني فەرگيۋسونمەن كەزدەسپەۋ ءۇشىن كارەراسىن اياقتاعانىنا سەنىمدى.
پىكىر قالدىرۋ