سىبايلاس جەمقورلىققا قارسى قىزمەت ماماندارى باتىس قازاقستان وبلىسى دەنساۋلىق ساقتاۋ باسقارماسىنىڭ باستىعى بولاتبەك كايۋپوۆتى پارا الدى دەگەن كۇدىكپەن ۇستادى. بۇل تۋرالى "موي گورود" گازەتى حابارادى.
باسىلىمنىڭ جازۋىنشا، پارانىڭ مولشەرى شامامەن جەتى ميلليون تەڭگەنى قۇرايدى. باسقارما باسشىسى ۋاقىتشا ۇستاۋ يزولياتورىنا قامالدى.
كايۋپوۆقا قاتىستى تەرگەۋ باستالدى دەگەن قاۋەسەت كوپتەن بەرى ايتىلىپ كەلەدى. 7 قىركۇيەكتە باسىلىم ءمان-جايدى ءتۇسىندىرۋدى سۇراپ، رەسمي ساۋال جولداعان. باسىلىمعا بەرىلگەن جاۋاپتا وبلىستىق دەنساۋلىق ساقتاۋ باسقارماسىنىڭ باسشىسىنا قاتىستى سوتقا دەيىنگى تەرگەۋ جۇرگىزىلمەي جاتقانى ايتىلعان.
بقو بويىنشا سىبايلاس جەمقورلىققا قارسى قىزمەت باسقارما باسشىسىنىڭ ۇستالعانى جايلى اقپاراتقا تۇسىنىكتەمە بەرگەن جوق، تەك كەز كەلگەن اقپارات پروكۋراتۋرامەن كەلىسىلگەننەن كەيىن بەرىلەتىنىن اتاپ ءوتتى.
پىكىر قالدىرۋ